බස්නාහිර, සබරගමුව, දකුණ, නැගෙනහිර, වයඹ, උතුරු සහ උතුරු මැද යන පළාත්වලටත් මොනරාගල දිස්ත්රික්කය සඳහාත් අධික උණුසුම් කාලගුණයක් පවතින බව පවසමින් කාලගුණ විද්යා දෙපාර්තමේන්තුව විසින් විශේෂ අනතුරු ඇඟවීමේ නිවේදනයක් නිකුත් කර තිබෙනවා. හෙට (අප්රේල් 2) දින සඳහා වලංගු වන පරිදි නිකුත් කර ඇති මෙම නිවේදනයට අනුව දිස්ත්රික්ක 21ක ඇතැම් ස්ථානවල මිනිස් සිරුරට දැනෙන උණුසුම ‘අවධානය යොමු කළ යුතු’ (Caution) මට්ටම දක්වා ඉහළ යා හැකි බවයි වාර්තා වන්නේ.
මහජනතාව මෙවැනි දැඩි උණුසුම් කාලගුණයකට දිගු වේලාවක් නිරාවරණය වීමෙන් අධික මහන්සියක් ඇති විය හැකි අතර ක්රියාකාරකම්වල අඛණ්ඩව නිරත වීම නිසා මාංශ පේශිවල වේදනාවන් (Heat cramps) පවා ඇති විය හැක.
