හික්කඩුව පොලිස් වසමට අයත් කොළඹ – ගාල්ල ප්රධාන මාර්ගයේ වෑවල ප්රදේශයේදී අද (07) අලුයම සිදු වූ රිය අනතුරකින් 6 හැවිරිදි පිරිමි දරුවෙකු ජීවිතක්ෂයට පත්ව තිබේ.
ගාල්ල දෙසට ධාවනය වූ මගී ප්රවාහන බස් රථයක් සහ ප්රතිවිරුද්ධ දිශාවෙන් පැමිණි ත්රීරෝද රථයක් මුහුණට මුහුණ ගැටීමෙන් මෙම අනතුර සිදුවී ඇත. අනතුර සිදුවන අවස්ථාවේ ත්රීරෝද රථයේ පසුපස අසුනේ ගමන් කරමින් සිටි දරුවන් දෙදෙනෙකු, කාන්තාවන් දෙදෙනෙකු සහ පිරිමි පුද්ගලයෙකු තුවාල ලබා ආරච්චිකන්ද රෝහලට ඇතුළත් කර ඇති අතර, එහිදී එක් දරුවෙකු මියගොස් තිබේ.
මියගිය දරුවා අවුරුදු 06ක් වූ දික්වැල්ල ප්රදේශයේ පදිංචිකරුවෙකි. අනතුරින් තුවාල ලැබූ සෙසු පිරිස වැඩිදුර ප්රතිකාර සඳහා කරාපිටිය ශික්ෂණ රෝහල වෙත මාරු කර යවා ඇත. අනතුර සම්බන්ධයෙන් බස් රථ රියදුරු අත්අඩංගුවට ගෙන ඇති අතර හික්කඩුව පොලිසිය වැඩිදුර විමර්ශන මෙහෙයවනු ලබයි.
