හිඟුරක්ගොඩ දොරදෙක ප්රදේශයේ කසල ප්රතිචක්රීකරණ මධ්යස්ථානයක් ඉදිකිරීමට එරෙහිව ප්රදේශවාසීන් සංවිධානය කළ විරෝධතාවයක් අතරතුර නිවාස සංවර්ධන නියෝජ්ය අමාත්ය ටී බී සරත් මහතාට දැඩි විරෝධයක් එල්ල විය. මෙම ව්යාපෘතිය හේතුවෙන් දැඩි පාරිසරික ගැටලු මතු වන බව පවසමින් ප්රදේශවාසීන් ඊයේ දහවල් හිඟුරක්ගොඩ නගරයේදී මෙම විරෝධතාවයේ නිරත විය. වෙළෙඳසලකට ගොස් යළි පැමිණෙමින් සිටි නියෝජ්ය අමාත්යවරයා එම ස්ථානයට පැමිණි අවස්ථාවේදී ජනතාව සිය විරෝධය පළ කරමින් ඔහු වටකර පීඩනයක් එල්ල කළහ.
ප්රදේශවාසීන් පෙන්වා දෙන්නේ ජනාවාස මධ්යයේ මෙවැනි මධ්යස්ථානයක් ඉදිකිරීමෙන් තමන්ට දැඩි දුෂ්කරතාවලට මුහුණ දීමට සිදුවන බවයි. කෙසේ වෙතත් නියෝජ්ය අමාත්යවරයා එහිදී ප්රකාශ කළේ කිසිදු ගැටලුවක් මතු නොවන පරිදි මෙම මධ්යස්ථානය ඉදිකරන බවයි. එම ප්රකාශය පිළිගැනීමට විරෝධතාකරුවන් සූදානම් නොවූ අතර ඔවුන් දිගින් දිගටම විරෝධය දැක්වීම නිසා අමාත්යවරයාට එම ස්ථානයෙන් පිටව යාමට සිදු විය. ඔහු පිටව යන අවස්ථාවේදී ද ජනතාව හූ හඬ නගමින් සිය අසතුට පළ කළහ.
