HNB ඇෂුවරන්ස් සමාගමේ විකුණුම් කළමනාකාරීත්ව කණ්ඩායමේ වෘත්තීය සංවර්ධනය වෙනුවෙන් සුවිශේෂී සන්ධිස්ථානයක් සනිටුහන් කරමින්, ශ්රී ලංකා අලෙවිකරණ ආයතනය (SLIM) සමඟ ඒකාබද්ධව පවත්වන ලද “සහතිකලත් විකුණුම් කළමනාකරු” (Certified Sales Manager) වැඩසටහන එම කණ්ඩායම විසින් සාර්ථකව නිම කර තිබෙනවා.
HNB ඇෂුවරන්ස් සමාගමේ හවුල්කාරීත්ව නාලිකාවේ (Partnership Channel) විකුණුම් කළමනාකාරීත්වය වෙනුවෙන් ආරම්භ කරන ලද මෙම වැඩසටහන මෙරට රක්ෂණ ක්ෂේත්රය තුළ ක්රියාත්මක වූ මෙවැනි ආකාරයේ ප්රථම වැඩසටහන ලෙස ඉතිහාසයට එක් වෙනවා. මෙහිදී නායකත්වය, උපායමාර්ගික චින්තනය සහ උසස් විකුණුම් හැකියාවන් ඉහළ නැංවීම සඳහාම විශේෂයෙන් සකස් කරන ලද ව්යුහාත්මක වෘත්තීය රාමුවක් යටතේ එම විකුණුම් කළමනාකරුවන්ට නිල වශයෙන් වෘත්තීය සහතික පත්ර පිරිනමා තිබෙනවා.
සමාගමේ සේවකයින්ට ගෝලීය වශයෙන් පිළිගත් දැනුම සහ වෘත්තීයමය සුදුසුකම් ලබා දෙමින් ඔවුන්ගේ පුද්ගලික වර්ධනය මෙන්ම ආයතනික විශිෂ්ටත්වය ශක්තිමත් කිරීම වෙනුවෙන් HNB ඇෂුවරන්ස් සමාගම නිරන්තරයෙන් සිදු කරන ආයෝජනයන් මෙම පියවර හරහා මනාව පිළිබිඹු වන බවයි වාර්තා වන්නේ.
ප්රවීණත්වය සමඟ ඉදිරියට යමින් රක්ෂණ ක්ෂේත්රය සඳහා නව මිණුම් සලකුණු තැබීමට හැකි වන පරිදි ඉතා ඉහළ නිපුණතාවයකින් යුත් සහ වෘත්තීයමය වශයෙන් සහතික ලත් විකුණුම් බලකායක් ගොඩනැඟීමට ආයතනය දක්වන කැපවීම මෙවැනි වැඩසටහන් මඟින් පෙන්නුම් කරන බව HNB ඇෂුවරන්ස් සමාගමේ ප්රධාන ව්යාපාරික නිලධාරී සහ සාමාන්යාධිකාරී (හවුල්කාරිත්ව) සනේෂ් ප්රනාන්දු මහතා ප්රකාශ කළා.
මේ අතර අදහස් දැක්වූ මානව සම්පත් අංශයේ ප්රධානී නවින් රූපසිංහ මහතා සඳහන් කළේ මෙවැනි සහතිකලත් වෘත්තීය පුහුණු වැඩසටහන් හරහා නිරන්තරයෙන් වෙනස් වන රක්ෂණ ක්ෂේත්රය තුළ සාර්ථකව ඉදිරියට යාමටත් පාරිභෝගිකයන්ට සුවිශේෂී වටිනාකමක් අඛණ්ඩව ලබා දීමටත් අවශ්ය දැනුම, කුසලතා සහ ආත්ම විශ්වාසය සිය නායකයින්ට ලැබෙන බවයි.
