ලෝක තෙල් වෙළඳාමෙන් 20%ක් පමණ පාලනය වන හෝමුස් සමුද්ර සන්ධිය (Strait of Hormuz) මේ වන විට අවහිර වී පැවතීම හේතුවෙන් ගෝලීය බලශක්ති සැපයුම බරපතල අර්බුදයකට ලක්ව තිබේ. ඉරානය සතු පාලනය යටතේ පවතින මෙම මුහුදු මාර්ගය අවහිර වීම නිසා නෞකා සිය ගණනක් අතරමංව ඇති අතර, මෙම තත්ත්වය මීට වසර පහකට පෙර එනම් 2021 වසරේදී ‘Ever Given’ නෞකාව සූවස් ඇළ අවහිර කළ අවස්ථාවට සමාන බව විචාරකයෝ පෙන්වා දෙති.
එදා සූවස් ඇළේ ඇති වූයේ කාර්මික දෝෂයක් මත පදනම් වූ අහම්බෙන් සිදුවූ අවහිරයක් වුවද, වර්තමානයේ හෝමුස් සමුද්ර සන්ධියේ පවතින්නේ දැඩි යුදමය සහ දේශපාලනික නොසන්සුන්තාවයක් මත පදනම් වූ අර්බුදයකි. ලෝක තෙල් මිල ඉහළ යාමටත්, සැපයුම් දාම බිඳ වැටීමටත් මෙය සෘජුවම බලපා ඇති අතර, ජාත්යන්තර ප්රජාව මෙම නාවික මාර්ගය යළි විවෘත කර ගැනීම සඳහා විවිධ රාජ්ය තාන්ත්රික උත්සාහයන් දරමින් සිටියි.
