හංගේරියානු අග්රාමාත්ය වික්ටර් ඕර්බන් (Viktor Orbán) සහ ඔහුගේ පාලක පක්ෂය එළඹෙන ඉරිදා මැතිවරණයෙන් පසුබෑමකට ලක්වනු ඇතැයි මත විමසුම් පෙන්වා දෙන පසුබිමක, සර්බියානු දේශසීමාව අසල ගෑස් නල මාර්ගයක “විශාල විනාශයක් කළ හැකි පුපුරණ ද්රව්ය” හමුවූ බවට එල්ල වන වාර්තා හංගේරියානු දේශපාලනය තුළ දැඩි ආන්දෝලනයක් ඇති කර තිබේ. රුසියානු ගෑස් හංගේරියාවට රැගෙන එන මෙම නල මාර්ගය සිය රටේ “ජීවනාලිය” බව පවසමින් ඕර්බන් රජය එය වහාම හමුදා ආරක්ෂාව යටතට පත් කර ඇත.
කෙසේ වෙතත්, මෙම සිදුවීම මැතිවරණ ජයග්රහණය සඳහා ජනමතය වෙනස් කිරීමට ඕර්බන් රජය විසින්ම සැලසුම් කරන ලද “ව්යාජ මෙහෙයුමක්” (False-flag operation) විය හැකි බවට හංගේරියානු විපක්ෂ කණ්ඩායම් චෝදනා කරයි. බොහෝ මත විමසුම්වලට අනුව විපක්ෂය ඕර්බන්ට වඩා ඉදිරියෙන් සිටින බැවින්, ජාතික ආරක්ෂාව පිළිබඳ භීතියක් ඇති කර ඡන්ද දායකයන් දිනා ගැනීමට රජය උත්සාහ කරන බව ඔවුන්ගේ මතයයි.
මෙම අර්බුදකාරී වාතාවරණය මධ්යයේ, ඇමෙරිකානු උප ජනාධිපති ජේ.ඩී. වෑන්ස් (JD Vance) අද (07) නිල සංචාරයක් සඳහා බුඩාපෙස්ට් නුවරට පැමිණීමට නියමිතය. ඕර්බන්ගේ රජයට සහාය දැක්වීම සඳහා පැමිණෙන වෑන්ස්ගේ මෙම සංචාරය ද විපක්ෂයේ විවේචනයට ලක්ව ඇති අතර, මැතිවරණයට දින කිහිපයකට පෙර විදේශීය නායකයන් මෙලෙස මැදිහත් වීම හංගේරියාවේ අභ්යන්තර දේශපාලනය තවදුරටත් සංකීර්ණ කර තිබේ.
