වසර 16ක වික්ටර් ඕර්බන්ගේ පාලනය අවසන් කරමින් හංගේරියානු මහ මැතිවරණයෙන් පීටර් මාගියාර් (Péter Magyar) ප්රමුඛ ටිසා (Tisza) පක්ෂය අතිවිශාල ජයග්රහණයක් වාර්තා කිරීමත් සමඟ එරට මූල්ය වෙළඳපොළ තුළ විශාල පිබිදීමක් දක්නට ලැබෙන බව ආර්ථික විශ්ලේෂකයෝ පවසති.
අද (අප්රේල් 13) බුඩාපෙස්ට් කොටස් වෙළඳපොළේ ප්රධාන දර්ශකය (BUX) 3% කට වඩා වැඩි අගයකින් ඉහළ ගොස් ලකුණු 136,000 සීමාව පසුකරමින් වාර්තාගත මට්ටමකට ළඟා විය. හංගේරියාව යළිත් ප්රධාන යුරෝපීය ආර්ථික මාවතට අවතීර්ණ වනු ඇතැයි යන අපේක්ෂාව මත ආයෝජකයින් OTP බැංකුව, MOL සහ Magyar Telekom වැනි ප්රමුඛ පෙළේ සමාගම්වල කොටස් මිලදී ගැනීමට වැඩි උනන්දුවක් දක්වා ඇත.
ඉරාන-ඇමෙරිකා සාකච්ඡා බිඳ වැටීම හේතුවෙන් සෙසු යුරෝපීය වෙළඳපොළවල් පහත වැටෙමින් පවතින පසුබිමක, හංගේරියාවේ මෙම වර්ධනය විශේෂත්වයක් ලෙස සැලකේ. ඊයේ (ඉරිදා) පැවති මැතිවරණයේදී පීටර් මාගියාර්ගේ පක්ෂය එරට පාර්ලිමේන්තුවේ ආසන 199 න් 138 ක් දිනා ගනිමින් අතිබහුතර බලයක් ලබා ගැනීමට සමත් විය.
