කාන්තා පොලිස් පරීක්ෂකවරියකගේ ස්වාමිපුරුෂයෙකු අයිස් මත්ද්රව්ය මිලිග්රෑම් 185ක් සන්තකයේ තබාගෙන සිටියදී පසුගිය 21 වැනිදා රාත්රියේ ශ්රීපුර පොලිසිය විසින් අත්අඩංගුවට ගෙන තිබේ. ශ්රීපුර නගරයේ පිහිටි රාජ්ය බැංකුවක් අසල රැඳී සිටියදී සැකකරු පොලිස් දැලට හසුවී ඇති අතර, ඔහු හිටපු පොලිස් කොස්තාපල්වරයෙකු බවට විමර්ශනවලදී අනාවරණය වී ඇත.
පොලිස් තොරතුරුවලට අනුව, මොහු 2007 වර්ෂයේදී සේවයෙන් ඉවත් කරනු ලැබූ අයෙකි. දැනට ශ්රීපුර, වෙහෙරගොඩ ප්රදේශයේ කොණ්ඩා කැපීමේ මධ්යස්ථානයක් පවත්වාගෙන යන මොහු, ත්රිකුණාමලය පොලිස් විශේෂ කාර්යාංශයේ ශ්රීපුර උප ඒකකයට ලැබුණු රහස් තොරතුරක් මත සිදුකළ වැටලීමකදී අත්අඩංගුවට ගෙන තිබේ.
අයිස් මත්ද්රව්ය ළඟ තබා ගැනීමේ චෝදනාව මත සැකකරු කැබිතිගොල්ලෑව මහේස්ත්රාත් අධිකරණයට ඉදිරිපත් කිරීමට නියමිතය. සිද්ධිය සම්බන්ධයෙන් ශ්රීපුර පොලිසිය වැඩිදුර විමර්ශන පවත්වයි.
