විදුලි ගාස්තු සංශෝධනය කිරීම සම්බන්ධයෙන් ජාත්‍යන්තර මූල්‍ය අරමුදල ශ්‍රී ලංකාවට විශේෂ දැනුම්දීමක් සිදු කර තිබෙන බව වාර්තා වනවා.
පිරිවැයට සරිලන ලෙස විදුලි බිල ගැළපිය යුතු බවටයි ශ්‍රී ලංකා රජයට අවධාරණය කර ඇත්තේ.
ජාත්‍යන්තර මූල්‍ය අරමුදල පවසන්නේ , මූල්‍ය අවදානම අවම කිරීම සඳහා ශ්‍රී ලංකාව හැකි ඉක්මනින් පිරිවැය ආවරණය වන විදුලිය මිලකරණය නැවත ස්ථාපිත කළ යුතු බවයි.
ජාත්‍යන්තර මූල්‍ය අරමුදලේ විස්තීරණ ණය පහසුකම් වැඩසටහනේ සිව්වන සමාලෝචනය සම්පූර්ණ කිරීම සඳහා එය ක්‍රියාත්මක කිරීම අත්‍යවශ්‍ය බව, ඔවුන් නිකුත් කළ නිවේදනයක දන්වා තිබෙනවා.
ජාත්‍යන්තර මූල්‍ය අරමුදල පවසා තිබෙන්නේ එසේ නොවීමෙන් ලංකා විදුලිබල මණ්ඩලයේ ණය බර තවදුරටත් වැඩි විය හැකි බවත් තවද මෙයින් බදු ගෙවන්නන් මත තවත් පීඩනයක් එල්ල විය හැකි බවත් ලංකා විදුලිබල මණ්ඩලයේ ණය බර වැඩි නොවන ලෙස කටයුතු කිරීමට බලධාරීන් පියවර ගත යුතු බවටත්ය ,
එලෙස ක්‍රියා කළහොත් ඉදිරියේදී ජනතාවට විදුලි බිල සම්බන්ධයෙන් සහනයක් ලබාදීමට හැකියාව ලැබෙනු ඇති බවටත් ඔවුන් පවසනවා.
