අද (08) පැවැත්වෙන විස්සයි20 ලෝක කුසලාන අවසන් මහා තරගයට පෙර නවසීලන්ත කණ්ඩායමට එරෙහිව ප්රබල මානසික වාසියක් ගොඩනගා ගැනීමට සත්කාරක ඉන්දියාව සමත්ව තිබේ. විශේෂයෙන්ම මෑතකදී නිමාවූ ද්විපාර්ශ්වික විස්සයි20 තරගාවලිය 4-1ක් ලෙස ජයග්රහණය කිරීම මෙයට ප්රධානතම හේතුවයි.
එම තරගාවලියේදී ඉන්දීය පිතිකරුවන් නවසීලන්ත දඟපන්දු යවන්නන්ට එරෙහිව දැක්වූ දක්ෂතා අද තරගයට තීරණාත්මක වනු ඇත. එහිදී කැපී පෙනුණු විශේෂ කරුණු කිහිපයක් මෙසේය. ඉෂාන් කිෂන් සහ අභිෂේක් ශර්මා වැනි වමත් පිතිකරුවන් නවසීලන්ත නායක මිචෙල් සැන්ට්නර්ගේ දඟපන්දු ප්රහාරයට සාර්ථකව මුහුණ දීම ඉන්දියාවට විශාල ශක්තියක් වී තිබේ. අභිෂේක් ශර්මා තරගාවලිය පුරා 231.18ක ඉහළ ප්රහාරාත්මක වේගයක් රඳවා ගනිමින් ලකුණු 215ක් රැස් කර තිබීම විශේෂත්වයකි.
2024 වසරේදී නවසීලන්තය හමුවේ ටෙස්ට් සහ එක්දින තරගාවලි පරාජය වීමෙන් දැඩි පීඩනයකට පත්ව සිටි ඉන්දීය කණ්ඩායම, මෙම විස්සයි20 දක්ෂතා හරහා යළි සිය විශ්වාසය තහවුරු කරගෙන තිබේ. 2016 ලෝක කුසලානයේදී සැන්ට්නර් හමුවේ ඉන්දියාව අසරණ වූ අයුරු සිහිපත් කරන ක්රීඩා විචාරකයන් පවසන්නේ, අද අහමදාබාත්හිදී එම ඉතිහාසය වෙනස් කිරීමට ඉෂාන් කිෂන් සහ ශිවම් ඩූබේ වැනි පිතිකරුවන් ප්රමුඛ කාර්යභාරයක් ඉටු කරනු ඇති බවයි.
