ඉන්දියාව සහ කැනඩාව අතර රාජ්ය තාන්ත්රික සබඳතා “නැවත ආරම්භ කිරීමක්” (Reboot) ලෙස හඳුන්වමින්, දෙරටේ ප්රධාන පෙළේ ව්යාපාරික නායකයන්ගේ සහභාගීත්වයෙන් යුත් ‘ඉන්දියා-කැනඩා CEO සංසදය’ අද (මාර්තු 03) නවදිල්ලි අගනුවරදී පැවැත්වුණි. අග්රාමාත්ය නරේන්ද්ර මෝදි සහ කැනඩා අග්රාමාත්ය මාක් කාර්නි යන මහත්වරුන්ගේ ප්රධානත්වයෙන් මෙම හමුව පැවැත්වීම සුවිශේෂී කරුණකි.
කෘත්රිම බුද්ධිය (AI), ක්වොන්ටම් තාක්ෂණය (Quantum Technologies) සහ ආරක්ෂක ක්ෂේත්රය (Defence) යන අංශයන්හි සහයෝගීතාවය වර්ධනය කර ගැනීම පිළිබඳව මෙහිදී විශේෂ අවධානයක් යොමු විය. දෙරටේම සමාගම් ප්රධානීන් පෙන්වා දුන්නේ මෙය ද්විපාර්ශ්වික සබඳතාවල “නව පරිච්ඡේදයක්” බවයි.
‘Redcliffe Labs’ හි නිර්මාතෘ ධිරාජ් ජේන් මහතා ප්රකාශ කළේ දෙරටේ දැක්ම සහ වටිනාකම් එක හා සමාන වන බැවින් අනාගතය පිළිබඳව දැඩි සුබවාදී බලාපොරොත්තුවක් පවතින බවයි. ‘Techversant Infotech’ හි ප්රධාන විධායක නිලධාරී ජෝබි ජෝන් මහතා සඳහන් කළේ පසුගිය මාස කිහිපය තුළ දෙරටේ රජයන් දක්වන සහයෝගය නිසා ව්යාපාරික සබඳතා ශීඝ්රයෙන් වර්ධනය වෙමින් පවතින බවයි.
මුකේෂ් අම්බානි සහ කැනඩා අගමැතිවරයා අතර පැවති සාකච්ඡාවලට සමගාමීව පැවැත්වෙන මෙම සංසදය හරහා, 2030 වන විට ඩොලර් බිලියන 50ක වෙළඳ ඉලක්කය සපුරා ගැනීමට අවශ්ය ප්රායෝගික වැඩපිළිවෙළ සැකසීම මෙහි ප්රධාන අරමුණ වී තිබේ.
