ඉන්දියාවේ නිල සංචාරයක නිරත කැනඩා අග්රාමාත්යවරයා සහ ඉන්දීය අග්රාමාත්ය නරේන්ද්ර මෝදි මහතා අතර පැවැති ද්විපාර්ශ්වික සාකච්ඡා සාර්ථකව අවසන් වී ඇති අතර, දෙරට අතර සබඳතා නව මානයකට ඔසවා තැබීමට එහිදී තීරණය වී තිබේ. මෙම හමුවේදී ප්රධාන වශයෙන් ඉන්දියාවේ බලශක්ති අවශ්යතා වෙනුවෙන් යුරේනියම් සැපයීමටත්, දෙරට අතර වෙළඳ සබඳතා පුළුල් කෙරෙන විස්තීර්ණ ආර්ථික හවුල්කාරිත්ව ගිවිසුම (CEPA) පිළිබඳ සාකච්ඡා කඩිනම් කිරීමටත් නායකයන් දෙපළ එකඟත්වය පළ කර ඇත. කැනඩාව සමඟ මෙම නව ගිවිසුම් ප්රකාශයට පත් කිරීම හරහා ආර්ථික හා බලශක්ති ක්ෂේත්රයන්හි දැවැන්ත සහයෝගීතාවක් ගොඩනැගීමට අපේක්ෂා කරන බවත්, එය දෙරටේම අනාගත සංවර්ධනයට ඉවහල් වන බවත් අග්රාමාත්ය මෝදි මෙහිදී අවධාරණය කළේය.
