නව දිල්ලියේදී පසුගියදා නිකුත් කරන ලද “Navigating India’s Role” නමැති සමීක්ෂණ වාර්තාවකට අනුව, ඉන්දියාවේ වඩාත්ම විශ්වාසවන්ත සහකරු ලෙස යුරෝපය තේරී පත්ව ඇත. කාලිංග කුසුම් පදනම (KKF) ඇතුළු ආයතන කිහිපයක් එක්ව දේශපාලන, ව්යාපාරික සහ මාධ්ය ඇතුළු ක්ෂේත්ර රැසක පුද්ගලයන් 1,396 දෙනෙකු ඇසුරෙන් මෙම සමීක්ෂණය සිදු කර තිබේ.
මෙහි කැපී පෙනෙන කරුණු කිහිපයක් මෙසේය. ඉන්දියාවේ ප්රබලම රාජ්යතාන්ත්රික සහකරුවන් ලෙස ඇමෙරිකාව, රුසියාව සහ චීනය අභිබවා යුරෝපා සංගමය (EU) කෙරෙහි වැඩි විශ්වාසයක් පළ වී ඇත. විශේෂයෙන්ම ජර්මනියේ තාක්ෂණික නායකත්වය සහ ස්ථාවරත්වය ඉන්දියානුවන්ගේ ඉහළ ඇගයීමට ලක්ව තිබේ. මේ වසර මුලදී අත්සන් කරන ලද ඓතිහාසික ඉන්දියා-යුරෝපා නිදහස් වෙළඳ ගිවිසුම (FTA) මෙම සබඳතාවයේ හැරවුම් ලක්ෂය ලෙස හඳුනාගෙන ඇත.
සමීක්ෂණයට සහභාගී වූවන්ගෙන් 70%ක්ම විශ්වාස කරන්නේ ඉදිරි දශක දෙක ඇතුළත ඉන්දියාව ලෝක බලවතෙකු වනු ඇති බවයි. ආර්ථික වර්ධනය, රැකියා උත්පාදනය, තාක්ෂණය සහ වෙළඳාම ඉන්දියාවේ විදේශ ප්රතිපත්තියේ ප්රධාන අරමුණු විය යුතු බවට ඔවුන් අදහස් දක්වා ඇත. ඉන්දියාවේ තරුණ පරම්පරාව සහ මධ්යම පන්තිය යුරෝපයේ ප්රජාතන්ත්රවාදී වටිනාකම් සහ ජර්මනියේ ඉංජිනේරු විශිෂ්ටත්වය කෙරෙහි පැහැදිලි කැමැත්තක් දක්වන බව මෙම වාර්තාවෙන් තවදුරටත් තහවුරු වේ.
