ඉන්දීය රජය විසින් 2025 ජූලි මාසයේදී දියත් කරන ලද ‘කෘත්රිම බුද්ධිය සඳහා නිපුණතා සූදානම’ (SOAR) වැඩසටහන යටතේ AI පාඨමාලා සඳහා ලියාපදිංචි වූ ලක්ෂ 2.3ක සිසුන් පිරිසෙන් මේ දක්වා සහතික ලබාගෙන ඇත්තේ 13%ක් හෙවත් 29,800ක පිරිසක් පමණක් බව රජයේ දත්ත අනාවරණය කරයි.
නිපුණතා සංවර්ධන හා ව්යවසායකත්ව රාජ්ය අමාත්ය ජයන්ත් චවුද්රි මහතා අද (09) ලෝක් සභාවට ඉදිරිපත් කළ වාර්තාවකට අනුව මෙම තොරතුරු අනාවරණය වී තිබේ. Skill India Digital Hub (SIDH) හරහා ඕනෑම අයෙකුට නොමිලේ හැදෑරිය හැකි පරිදි මෙම පාඨමාලා හඳුන්වා දී තිබුණි.
සහතික ලබා ගැනීමේ ප්රතිශතය මෙතරම් අඩුවීමට හේතුව අමාත්යවරයා පැහැදිලි නොකළද, අමාත්යාංශ නිලධාරීන් පවසන්නේ ලොව පුරා පවතින විවෘත ඩිජිටල් ඉගෙනුම් පාඨමාලා (MOOCs) සම්පූර්ණ කිරීමේ සාමාන්ය ප්රතිශතය ද 5% සිට 15% දක්වා අගයක් ගන්නා බවයි. බොහෝ සිසුන් පාඨමාලා සඳහා ලියාපදිංචි වුවද, එහි ඇගයීම් පරීක්ෂණ සම්පූර්ණ කිරීමට හෝ පාඨමාලාව අවසන් කිරීමට උනන්දුවක් නොදක්වන බව ඔවුන් පෙන්වා දෙයි.
