2026 විස්සයි විස්ස ලෝක කුසලාන ක්රිකට් තරගාවලියේ වඩාත්ම උණුසුම් සහ අවධානය දිනාගත් ඉන්දියාව සහ පාකිස්ථානය අතර මහා තරගය සැලසුම් කළ පරිදි අද (15) කොළඹ ආර්. ප්රේමදාස ජාත්යන්තර ක්රීඩාංගණයේදී පැවැත්වේ. ‘A’ කාණ්ඩයේ තරගයක් ලෙස පැවැත්වෙන මෙම දැවැන්ත සටන අද රාත්රී 7.00 ට ආරම්භ වීමට නියමිතය.
මෙම සුවිශේෂී තරගය නැරඹීම සඳහා වන සියලුම ප්රවේශ පත්ර මේ වන විටත් විකිණී අවසන් වී ඇති අතර, ක්රීඩාංගණය අවට සහ ප්රේක්ෂකයින් වෙනුවෙන් විශේෂ ආරක්ෂක වැඩපිළිවෙළක් ක්රියාත්මක කරන බව ශ්රී ලංකා පොලිසිය තහවුරු කරයි. දෙරට අතර පවතින ක්රිකට් උණුසුම හේතුවෙන් ජාත්යන්තර ක්රිකට් ලෝකයේම අවධානය අද දිනයේ කොළඹ දෙසට යොමුව පවතී.
