ඉන්දීය නාවික හමුදාවට අයත් ‘තරංගිනී’ රුවල් පුහුණු නෞකාව නිල සංචාරයක් සඳහා ත්රිකුණාමලය අෂ්රොප් ජැටිය වෙත සේන්දු වී තිබේ. නිලධාරීන් හත්දෙනෙකු සහ නාවිකයින් තිස්දෙනෙකුගෙන් සමන්විත කාර්ය මණ්ඩලයක් සහිත මෙම නෞකාව, ලෝක ප්රසිද්ධ යාත්රා නිර්මාණකරුවෙකු වන කොලින් මූඩ් මහතාගේ සැලසුමකට අනුව ඉන්දියාවේ ගෝවා නැව් තටාංගනයේදී නිපදවා ඇති විශිෂ්ට නිර්මාණයකි. වානේ බඳකින් යුක්ත වුවද ඇලුමිනියම් සහ තේක්ක දැව තට්ටුවකින් නිමවා ඇති මෙම නෞකාව, සාම්ප්රදායික රුවල් යාත්රා කලාව සහ නවීන තාක්ෂණය මනාව මුසු වූ යාත්රාවක් ලෙස ප්රසිද්ධියට පත්ව ඇත.
කමාන්ඩර් නිතින් ගජ්ජර් මහතාගේ අණදෙන නිලධාරිත්වයෙන් ක්රියාත්මක වන මෙම නෞකාව මාර්තු 02 වැනිදා දක්වා ත්රිකුණාමලයේත්, අනතුරුව මාර්තු 06 සිට 09 දක්වා කොළඹ වරායේත් රැඳී සිටීමට නියමිතය. මෙම කාලසීමාව තුළ ශ්රී ලංකා නාවික හමුදාවේ පුහුණු නිලධාරීන් සඳහා වරාය සහ මුහුදු යන අදියර දෙකක් යටතේ සාගර යාත්රා කිරීමේ විශේෂ පුහුණුවක් සහ අත්දැකීම් ලබාදීමට කටයුතු සූදානම් කර තිබේ. හින්දි භාෂාවෙන් ‘රළ’ යන අර්ථය දෙන ‘තරංගිනී’ නෞකාවේ මෙම පැමිණීම දෙරටේ නාවික හමුදාවන් අතර පවතින සුහදතාව සහ පුහුණු සහයෝගීතාව තවදුරටත් ශක්තිමත් කිරීමට ඉවහල් වනු ඇත.
