න්දීය අග්රාමාත්ය නරේන්ද්ර මෝදි මහතා ලබන සතියේ ඊශ්රායලයේ නිල සංචාරයක නිරත වීමට නියමිත බව ඊශ්රායල අග්රාමාත්ය බෙන්ජමින් නෙතන්යාහු මහතා නිවේදනය කර තිබේ. මෙය නරේන්ද්ර මෝදි මහතා සිය තෙවන ධුර කාලය ආරම්භ කිරීමෙන් පසු ඊශ්රායලයේ නිරත වන ප්රථම සංචාරය වන අතර, වසර නවයකට පසු ඔහු එරටට යන පළමු අවස්ථාව ලෙස ද මෙය ඉතිහාසයට එක් වේ. මෙම සංචාරය දෙරට අතර පවතින රාජ්ය තාන්ත්රික හා ආරක්ෂක සබඳතාවල තීරණාත්මක සන්ධිස්ථානයක් වනු ඇතැයි දේශපාලන විචාරකයෝ පෙන්වා දෙති.
විදේශ මාධ්ය වාර්තාවලට අනුව, මෙම සංචාරයේදී දෙරට අතර පවතින ද්විපාර්ශ්වික සබඳතා තවදුරටත් ශක්තිමත් කර ගැනීම මෙන්ම බටහිර ආසියාවේ වර්තමාන ආරක්ෂක තත්ත්වය පිළිබඳව නායකයින් දෙපළගේ විශේෂ අවධානය යොමු වීමට නියමිතය. විශේෂයෙන්ම තාක්ෂණික, ආරක්ෂක සහ වෙළඳ ක්ෂේත්රයන්හි නව සහයෝගීතාවන් පිළිබඳව මෙහිදී සාකච්ඡා කෙරෙනු ඇත. කලාපීය සාමය සහ ස්ථාවරත්වය උදෙසා ඉන්දියාව සහ ඊශ්රායලය එක්ව කටයුතු කළ හැකි ආකාරය පිළිබඳව ද මෙම රාජ්ය තාන්ත්රික හමුවේදී දීර්ඝ වශයෙන් අදහස් හුවමාරු කර ගැනීමට අපේක්ෂිතය.
