කැනඩාවේ බ්රිටිෂ් කොලොම්බියා ප්රාන්තයේ උසස් අධ්යාපනය හදාරමින් සිටි 25 හැවිරිදි ඉන්දීය සිසුවෙකු වන ගුර්කිරාත් සිං මනෝචා (Gurkirat Singh Manocha), පසුගිය මාර්තු 13 වැනිදා රාත්රියේ සිදුවූ දරුණු පහරදීමකින් මියගොස් තිබේ. මෙම පුවත සම්බන්ධයෙන් මේ වන විට ජාත්යන්තර අවධානය යොමු වෙමින් පවතී.
ඉන්දියාවේ මධ්ය ප්රදේශ් ප්රාන්තයේ උජ්ජයින් (Ujjain) නගරයේ පදිංචිකරුවෙකු වන ගුර්කිරාත්, මීට මාස 15කට පෙර කැනඩාවට ගොස් ඇත්තේ උසස් අධ්යාපනය ලැබීමටය. ඔහු එහි ‘Northern Lights College’ හි ව්යාපාර කළමනාකරණය හදාරමින් සිට ඇත
මාර්තු 13 වැනිදා රාත්රී 11:10ට පමණ බ්රිටිෂ් කොලොම්බියා හි චාලි ලේක් (Charlie Lake) ප්රදේශයේදී සිසුන් පිරිසක් අතර ඇතිවූ ආරවුලක් දුරදිග යාමෙන් මෙම පහරදීම සිදුව ඇත. එහිදී 10-12ක් පමණ පිරිසක් ඔහුට පහර දී වාහනයකට යට කර ඇති බවට ඔහුගේ පවුලේ සාමාජිකයෝ චෝදනා කරති
බරපතල තුවාල ලැබූ ගුර්කිරාත් රෝහල් ගත කිරීමෙන් පසු මියගොස් ඇති අතර, කැනඩා පොලිසිය (RCMP) මේ වන විටත් සිද්ධිය සම්බන්ධයෙන් පරීක්ෂණ පවත්වයි. මධ්ය ප්රදේශ් මහ ඇමති මෝහන් යාදව් මහතා ඔහුගේ පවුලේ සාමාජිකයන් හමුවී සිරුර යළි මෙරටට ගෙන්වා ගැනීමට අවශ්ය සහාය ලබා දීමට ප්රතිඥා දී තිබේ
මෙම ඛේදවාචකය සිදුවන්නේ මැදපෙරදිග යුද වාතාවරණය සහ ජාත්යන්තර දේශපාලන අස්ථාවරත්වය හමුවේ විදේශගත සිසුන්ගේ ආරක්ෂාව පිළිබඳව දැඩි සංවාදයක් මතු වී ඇති මොහොතකය.
