ශ්රී ලංකාවේ කර්මාන්ත ක්ෂේත්රය ශක්තිමත් කිරීමේ රජයේ ප්රයත්නයේ කොටසක් ලෙස මෑත ඉතිහාසයේ ව්යවසායකයින් සඳහා ලබා දෙන වැඩිම ණය ප්රමාණය 2026 වසරේදී ලබා දීමට නියමිත බව කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා ප්රකාශ කර තිබෙනවා
මධ්යම පළාත් ව්යවසායකත්ව සම්මාන උළෙලේ ප්රධාන අමුත්තා ලෙස එක්වෙමින් අමාත්යවරයා සඳහන් කළේ දේශීය කාර්මිකයන් සවිබල ගැන්වීම සහ මූල්ය පහසුකම් ලබා ගැනීම පුළුල් කිරීම කෙරෙහි රජය දැඩි අවධානයක් යොමු කර ඇති බවයි
ව්යවසායකත්ව ණය පහසුකම් සැලසීම සඳහා 2025 වසරේදී රුපියල් බිලියන 87ක සැලකිය යුතු මුදලක් වෙන් කර තිබූ බව හෙළි කළ අමාත්යවරයා කාර්මික කටයුතු සඳහා ඉඩම් ලබා ගැනීමේදී ව්යවසායකයින් මුහුණ දෙන ගැටලු විසඳීම සඳහා ‘ඉඩම් බැංකු’ (Land Banks) පිහිටුවන ලෙස දිස්ත්රික් සහ ප්රාදේශීය ලේකම්වරුන්ට උපදෙස් දී ඇති බව ද සඳහන් කළා
මීට අමතරව ව්යවසායකයින්ට අවශ්ය අනුමැතිය සහ බලපත්ර අල්ලසින් හෝ දේශපාලන මැදිහත්වීම්වලින් තොරව කාර්යක්ෂමව ලබා ගැනීමට හැකි වන පරිදි ඩිජිටල්කරණය වූ එක් පියවරක සේවා මධ්යස්ථානයක් (One-Stop Centre) නුදුරේදීම පිහිටුවන බව ද අමාත්යවරයා මෙහිදී වැඩිදුරටත් කියා සිටියා
