ගල්කිස්ස පොලිසියට අනුයුක්තව සේවය කරන විවාහක පොලිස් කාන්තාවක සහ 14 හැවිරිදි පාසල් සිසුවකු අතර පැවති බව කියන අසම්මත ප්රේම සබඳතාවක් සම්බන්ධයෙන් පොලිස් ළමා හා කාන්තා කාර්යාංශය විශේෂ විමර්ශනයක් ආරම්භ කර තිබේ. මෙම පොලිස් කාන්තාව මීට පෙර අඟුලාන පොලිසියේ සේවය කර ඇති අතර, එම කාලය තුළ මොරටුව පොලිස් නිවස්නයේ රැඳී සිටියදී මෙම ශිෂ්යයා සමඟ සම්බන්ධතාවය ගොඩනගාගෙන ඇති බව අනාවරණය වී ඇත. ඇයගේ සැකකටයුතු ක්රියාකලාපය හේතුවෙන් මීට සති කිහිපයකට පෙර ඇයව ගල්කිස්ස පොලිසිය වෙත මාරු කර යවා තිබූ බවද වාර්තා වේ.
අදාළ පාසල් සිසුවා සහ පොලිස් කාන්තාව අතර පවතින සබඳතාවය හෙළි වී ඇත්තේ වීඩියෝ දර්ශනයක් මාර්ගයෙන් බව පොලිස් ආරංචි මාර්ග පවසයි. සහකාර පොලිස් අධිකාරී එෆ්. යූ. වුට්ලර් මහතා සඳහන් කළේ මෙම සිද්ධිය සම්බන්ධයෙන් පුළුල් පරීක්ෂණයක් ක්රියාත්මක වන බවයි. බාලවයස්කාර දරුවෙකු මෙලෙස අපයෝජනයට ලක් කිරීම හෝ අනිසි සබඳතා පැවැත්වීම සම්බන්ධයෙන් පොලිස් නිලධාරිනියට එරෙහිව දැඩි විනය හා නීතිමය ක්රියාමාර්ග ගැනීමට නියමිතය.
