ඉදිරි ඉන්දීය ප්රිමියර් ලීග් (IPL) තරගාවලිය සඳහා බැංගලෝරයේ එම්. චින්නස්වාමි ක්රීඩාංගණය (M. Chinnaswamy Stadium) භාවිතා කිරීමට කර්නාටක ප්රාන්ත රජය නිල වශයෙන් අනුමැතිය ලබා දී තිබේ. රෝයල් චැලෙන්ජර්ස් බැංගලෝර් (RCB) කණ්ඩායම සිය මංගල IPL ශූරතාව දිනා ගැනීමෙන් පසු පැවැති සැමරුම් අතරතුර සිදු වූ තෙරපීමේ සිද්ධියෙන් පසුව ක්රීඩාංගණයේ ආරක්ෂාව පිළිබඳව පැවති අවිශ්වාසය මෙලෙස අවසන් විය.
කර්නාටක ප්රාන්ත ක්රිකට් සංගමය (KSCA) විසින් ක්රීඩාංගණයේ ආරක්ෂාව වැඩිකිරීම සඳහා නව ඇතුළුවීමේ දොරටු ස්ථාපනය කිරීම, පවතින දොරටු පුළුල් කිරීම සහ හදිසි අවස්ථාවන් සඳහා වෙනම පිටවීමේ මාර්ග සකස් කිරීම ඇතුළු නවීකරණ කටයුතු රැසක් සිදු කර ඇත. කර්නාටක ස්වදේශ කටයුතු අමාත්ය ආචාර්ය ජී. පරමේෂ්වර් මහතාගේ ප්රධානත්වයෙන් පැවැති විශේෂඥ කමිටු රැස්වීමකදී මෙම ආරක්ෂක විධිවිධාන සමාලෝචනය කිරීමෙන් අනතුරුව අනුමැතිය ලබා දී තිබේ.
IPL 19 වන අදියර මාර්තු 28 වැනිදා ආරම්භ වන අතර එහි සමාරම්භක තරගය සහ සමාරම්භක උළෙල බැංගලෝරයේදී පැවැත්වේ. මෙවර ශූරතාව ආරක්ෂා කර ගැනීමේ අරමුණින් පිටියට පිවිසෙන RCB කණ්ඩායම සන්රයිසස් හයිද්රාබාද් කණ්ඩායමට එරෙහිව පළමු තරගයට ක්රීඩා කිරීමට නියමිතය. මෙවර තරගාවලියේ RCB කණ්ඩායමට හිමි නිවහන තරග (Home Matches) 7න් 5ක්ම මෙම ක්රීඩාංගණයේදී පැවැත්වීමට නියමිතව ඇත.
