2026 ඉන්දීය ප්රිමියර් ලීග් තරගාවලියේ සන්රයිසස් හයිද්රභාත් කණ්ඩායම සමඟ බැංගලූර්හිදී පැවැති උද්යෝගිමත් තරගයකින් කඩුලු 6ක ජයක් වාර්තා කිරීමට රෝයල් චැලෙන්ජර්ස් බැංගලූර් කණ්ඩායම සමත් විය. තරගයේ කාසියේ වාසිය දිනූ බැංගලූර් කණ්ඩායමේ ආරාධනයෙන් ප්රථමයෙන් පන්දුවට පහර දුන් හයිද්රභාත් කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 201ක් රැස් කළේය. එහිදී හයිද්රභාත් නායක ඉෂාන් කිෂන් ලකුණු 80ක් සහ අනික්ට් වර්මා ලකුණු 43ක් ලබාගනිමින් ඉනිම ශක්තිමත් කළ අතර, බැංගලූර් පිල වෙනුවෙන් පන්දු යැවීමේදී ජෙකොබ් ඩුෆි සහ රොමාරියෝ ශෙෆර්ඩ් කඩුලු 3 බැගින් බිඳහෙලීමට සමත් වූහ.
ලකුණු 202ක ජයග්රාහී ඉලක්කයක් හඹා යාමට පිටියට පිවිසි රෝයල් චැලෙන්ජර්ස් බැංගලූර් පිතිකරුවන් ඉතා වේගවත් ක්රීඩා විලාසයක් දියත් කරමින් පන්දුවාර 15.4ක් වැනි කෙටි කාලයකදී කඩුලු 4ක් පමණක් දැවී ජයග්රහණය සපුරා ගත්තේය. බැංගලූර් ඉනිම ජයග්රහණය කරා මෙහෙයවූ විරාත් කෝලි ලකුණු 69ක් සහ දේව්ඩුට් පඩික්කල් ලකුණු 61ක් රැස්කරමින් පිත්තෙන් දස්කම් දැක්වූහ. හයිද්රභාත් පිල වෙනුවෙන් පන්දු යැවූ ඩේවිට් පයින් කඩුලු 2ක් දවාගත් අතර, එම කණ්ඩායම නියෝජනය කළ එෂාන් මාලිංග පන්දුවාර දෙකක් තුළ ලකුණු 35ක් ප්රතිවාදීන්ට ලබා දෙමින් තරමක් මිල අධික පන්දු යවන්නෙකු බවට පත් විය.
