හෝමුස් සමුද්ර සන්ධිය හරහා ඉන්දීය නෞකාවලට ආරක්ෂිතව ගමන් කිරීම සම්බන්ධයෙන් ඉරානය ඉන්දියානු රජය සමඟ සමීප සම්බන්ධතාවක් පවත්වන බව ඉන්දියාවේ ඉරාන තානාපති මොහොමඩ් ෆතාලි (Mohammad Fathali) අද (අප්රේල් 13) ප්රකාශ කළේය. මේ සම්බන්ධයෙන් නව දිල්ලියට උපරිම සහාය ලබා දීමට ඉරානය සූදානම් බව හෙතෙම වැඩිදුරටත් සඳහන් කළේය.
පසුගිය පෙබරවාරි මාසයේ ආරම්භ වූ ඇමෙරිකා-ඊශ්රායල සහ ඉරාන ගැටුම් හේතුවෙන් මෙම වැදගත් මුහුදු මාර්ගයේ නෞකා ගමනාගමනයට දැඩි බාධා එල්ල වී තිබේ. ඉන්දියාවේ බොරතෙල් ආනයනයෙන් 40% ක්ම සිදුවන්නේ හෝමුස් සමුද්ර සන්ධිය හරහා බැවින්, මෙම තත්ත්වය ඉන්දියාවේ වෙළඳාමට සහ බලශක්ති සැපයුමට සෘජුවම බලපා ඇත.
