මැදපෙරදිග කලාපයේ ආරක්ෂක තත්ත්වය දැඩි ලෙස උග්ර කරමින්, කුවේට් වෙරළට ඔබ්බෙන් වූ ඇමරිකානු හිමිකාරීත්වයෙන් යුත් තෙල් ප්රවාහන නෞකාවකට තමන් ප්රහාරයක් එල්ල කළ බව ඉරාන සන්නද්ධ හමුදා නිල වශයෙන් නිවේදනය කර තිබේ. ඉරාන රාජ්ය ගුවන් විදුලිය වාර්තා කරන පරිදි, මෙම ප්රහාරයෙන් පසු අදාළ නෞකාව මේ වන විටත් දැඩි ලෙස ගිනි ගනිමින් පවතින බව වාර්තා වේ.
මෙම ප්රහාරය පිළිබඳ වගකීම භාරගෙන ඇත්තේ ඉරාන සන්නද්ධ හමුදාවන්ගේ යුද සමයේ මෙහෙයුම් අණදෙන මධ්යස්ථානය ලෙස සැලකෙන ‘ඛාතම් අල්-අන්බියා’ (Khatam al-Anbiya) මධ්යම මූලස්ථානය මගින් වීම විශේෂත්වයකි. මෙම ප්රහාරයත් සමඟ පර්සියානු ගල්ෆ් කලාපයේ මුහුදු මාර්ගවල ආරක්ෂාව පිළිබඳව ජාත්යන්තර අවධානය යළිත් යොමුවී ඇති අතර, මෙය ඇමරිකාව සහ ඉරානය අතර පවතින රාජ්ය තාන්ත්රික නොසන්සුන්තාව තවදුරටත් වර්ධනය වීමට හේතුවක් වනු ඇතැයි විදේශ විශ්ලේෂකයෝ පෙන්වා දෙති.
මෙම සිදුවීමත් සමඟ ලෝක වෙළඳපොළේ තෙල් මිල ගණන්වලට සහ ඉන්දියන් සාගරය ඇතුළු කලාපීය නාවික ගමනාගමනයට එල්ල විය හැකි බලපෑම පිළිබඳව මේ වන විට දැඩි අවධානයක් යොමුව පවතී.
