මැදපෙරදිග කලාපය තුළ පවතින උණුසුම් දේශපාලනික සහ මිලිටරි තත්ත්වය හමුවේ ඉරානය තුළ සිටින තම පුරවැසියන්ට වහාම එම රටෙන් පිටව යන ලෙස ලොව බලවත් රටවල් රැසක් නිල වශයෙන් නිවේදනය කර තිබේ. ඉරානය සහ ඊශ්රායලය අතර සෘජු යුදමය ගැටුමක් ඇතිවීමේ අවදානම දැඩි වීමත් සමඟ, කැනඩාව, එක්සත් රාජධානිය සහ රුසියාව ඇතුළු රටවල් කිහිපයක් තම තානාපති කාර්යාල නිලධාරීන් සහ පුරවැසියන් ඉවත් කරගැනීමේ කටයුතු කඩිනම් කර ඇති බව විදෙස් මාධ්ය වාර්තා කරයි.
කැනඩා රජය නිවේදනයක් නිකුත් කරමින් පවසා ඇත්තේ ඉරානයේ ආරක්ෂක තත්ත්වය ඕනෑම මොහොතක වෙනස් විය හැකි බැවින්, දැනට පවතින වාණිජ ගුවන් ගමන් පහසුකම් භාවිතා කරමින් වහාම එරටින් පිටවිය යුතු බවයි. මේ අතර බ්රිතාන්යය සහ රුසියාව ද ඉරානයේ සිටින තම රාජ්ය තාන්ත්රිකයින් ඉවත් කරගනිමින් සිටින අතර, අත්යවශ්ය නොවන සංචාර සඳහා ඉරානයට ඇතුළු වීමෙන් වළකින ලෙස තම පුරවැසියන්ට අනතුරු ඇඟවීම් නිකුත් කර තිබේ. කලාපීය ගුවන් කලාපයන් වසා දැමීමේ සහ ප්රවාහන සේවා අඩාල වීමේ අවදානම හේතුවෙන් ජාත්යන්තර ප්රජාව මෙම පියවර ගෙන ඇත.
