මීට පෙර “කොන්දේසි විරහිතව යටත් වන ලෙස” ඉරානයට බලකළ අමෙරිකාව, දැන් සාම සාකච්ඡා සඳහා ඇරයුම් කිරීම ඔවුන් යුදමය වශයෙන් ලැබූ පරාජය පිළිගැනීමක් බව ඉරාන විදේශ අමාත්ය අබ්බාස් අරග්චි ප්රකාශ කරයි. රජයේ රූපවාහිනී සේවය (IRIB) සමඟ පැවැති සම්මුඛ සාකච්ඡාවකදී ඔහු අවධාරණය කළේ, වොෂින්ටනය සිය දැඩි ස්ථාවරය වෙනස් කර සාකච්ඡා මාර්ගයට පිවිසීමට උත්සාහ කරන්නේ ඉරානයේ ශක්තිය හමුවේ ඔවුන් පසුබෑමකට ලක්ව ඇති නිසා බවයි.
පසුගිය දින කිහිපය තුළ මිත්රශීලී රටවල් කිහිපයක් මාර්ගයෙන් අමෙරිකාව ටෙහෙරානය වෙත පණිවිඩ කිහිපයක් එවා ඇති බවත්, එහෙත් ඒවා කිසිසේත්ම “සංවාද” හෝ “සාකච්ඡා” ලෙස හැඳින්විය නොහැකි බවත් ඔහු පෙන්වා දුන්නේය. ඒවා හුදෙක් පණිවිඩ හුවමාරුවක් පමණක් බවත්, ඉරානය එම පණිවිඩවලට නිසි අනතුරු ඇඟවීම් සහිතව පිළිතුරු ලබා දී ඇති බවත් ඔහු වැඩිදුරටත් පැවසීය. අදාළ පණිවිඩ හරහා ඉදිරිපත් වූ අදහස් මේ වන විට ඉරානයේ ඉහළම බලධාරීන් වෙත යොමු කර ඇති අතර, ඉදිරි ක්රියාමාර්ග පිළිබඳ තීරණය ඔවුන් විසින් දැනුම් දෙනු ඇතැයි ද අරග්චි මහතා සඳහන් කළේය.
