ඉරාන හිතවාදී ‘හන්ඩලා’ (Handala) හැකර් කණ්ඩායම විසින් හිටපු ඊශ්රායල ආරක්ෂක මාණ්ඩලික ප්රධානී හර්සි හලෙවි (Herzi Halevi) මහතා ඉලක්ක කර ගනිමින් සිදුකළ සයිබර් ප්රහාරය මඟින් හමුදාමය ලේඛනවලට අමතරව අතිශය රහසිගත රාජ්යතාන්ත්රික තොරතුරු රැසක් ද අනාවරණය වී ඇති බව වාර්තා වේ. හලෙවි මහතා කටාර් රාජ්යයේ රහසිගත සංචාරයක නිරත වෙමින් එරට එමීර්වරයා වන හමාඩ් බින් අල්-තානි (Hamad Bin Al-Thani) හමුවී ඇති බවට ඔප්පු කළ හැකි සාක්ෂි තමන් සතු බව හැකර්වරුන් පවසති.
මෙම තොරතුරු තවමත් නිල වශයෙන් තහවුරු කර නොමැති වුවද, සැබවින්ම මෙවැනි හමුවීමක් සිදුව ඇත්නම් එය කලාපීය දේශපාලනයේ සහ රාජ්යතාන්ත්රික සබඳතාවල විශාල පෙරළියක් විය හැකි බව දේශපාලන විචාරකයෝ පෙන්වා දෙති. ඉරාන හැකර්වරුන් විසින් මීට පෙර ද ඊශ්රායලයේ ජ්යෙෂ්ඨ නිලධාරීන්ගේ සහ ආරක්ෂක ආයතනවල දත්ත සොරාගෙන ප්රසිද්ධ කර ඇති අතර, මෙම නවතම හෙළිදරව්ව ඊශ්රායලයේ ආරක්ෂක සහ බුද්ධි අංශවලට එල්ල වූ දැඩි ප්රහාරයක් ලෙස සැලකේ.
මුලාශ්රය – @Spectator_MENA
