ඉරාන විප්ලවීය ආරක්ෂක බලකායේ (IRGC) බුද්ධි අංශ ප්රධානී මේජර් ජෙනරාල් මජිඩ් ඛාදෙමි (Majid Khademi) අද (06) අලුයම එල්ල වූ ප්රහාරයකින් ජීවිතක්ෂයට පත්ව ඇති බව ඉරාන රාජ්ය මාධ්ය තහවුරු කරයි. ඉරාන විප්ලවීය ආරක්ෂක බලකාය නිවේදනයක් නිකුත් කරමින් පවසන්නේ තම බුද්ධි ප්රධානියා “ඇමරිකානු – සියොන්වාදී සතුරා” විසින් එල්ල කරන ලද ත්රස්තවාදී ප්රහාරයකින් මියගිය බවයි.
මෙම ප්රහාරය එල්ල වී ඇත්තේ ඉරානය සහ ඇමරිකාව අතර සටන් විරාමයක් සඳහා වන සාම සැලසුම් පිළිබඳ සාකච්ඡා වෙමින් පවතින තීරණාත්මක පසුබිමක වීම විශේෂත්වයකි. මජිඩ් ඛාදෙමි ඉලක්ක කර ගනිමින් එල්ල වූ මෙම ප්රහාරය සම්බන්ධයෙන් ඇමරිකා එක්සත් ජනපදය හෝ ඊශ්රායලය මෙතෙක් නිල ප්රකාශයක් සිදු කර නැත.
ප්රබල සහ අත්දැකීම් බහුල නිලධාරියෙකු වූ ඛාදෙමිගේ අභාවය කලාපීය ආරක්ෂක තත්ත්වයට සහ දැනට පවතින සාම සාකච්ඡාවලට දැඩි බලපෑමක් එල්ල කරනු ඇතැයි විදේශ විශ්ලේෂකයෝ පෙන්වා දෙති.
