ඇමරිකාව සහ ඉස්රායලය විසින් ඉරානයට එල්ල කරන ලද ප්රහාර හේතුවෙන් මේ දක්වා අවම වශයෙන් පුද්ගලයින් 3,375 දෙනෙකු මියගොස් ඇති බව ඉරාන රාජ්ය මාධ්ය (IRIB) වාර්තා කරයි. ඉරාන අධිකරණ වෛද්ය සංවිධානයේ ප්රධානී අබ්බාස් මස්ජෙඩි මහතා උපුටා දක්වමින් එම මාධ්ය ආයතනය පෙන්වා දෙන්නේ මියගිය පිරිස නිල වශයෙන් හඳුනාගෙන ඇති බවයි.
හඳුනාගත් මියගිය පිරිස අතරින් 2,875 දෙනෙකු පිරිමි පුද්ගලයින් වන අතර, කාන්තාවන් 496 දෙනෙකු ද ඒ අතර වන බව වාර්තා වේ. පසුගිය පෙබරවාරි අග භාගයේ ආරම්භ වූ මෙම ගැටුම්කාරී තත්ත්වය හේතුවෙන් ඉරානයේ සිවිල් වැසියන් විශාල පිරිසකට ජීවිත අහිමි වී ඇති බවත්, ඒ අතර කුඩා දරුවන් 200කට අධික සංඛ්යාවක් සිටින බවත් ඉරාන විදේශ අමාත්යවරයා මීට පෙර ප්රකාශ කර තිබුණි.
දැනට පවතින සටන් විරාමය බිඳෙනසුලු මට්ටමක පවතින පසුබිමක, මෙම මරණ සංඛ්යාව පිළිබඳ වාර්තාව ජාත්යන්තරයේ දැඩි අවධානයට ලක්ව තිබේ. විශේෂයෙන්ම දෙපාර්ශ්වය අතර සාම සාකච්ඡා අසාර්ථක වීමත් සමඟ කලාපීය මානුෂීය අර්බුදය තවදුරටත් උග්ර වීමේ අවදානමක් පවතින බව විදේශීය විචාරකයෝ පෙන්වා දෙති.
