ඉරානයේ හිටපු උත්තරීතර නායක අයතුල්ලා අලි කමේනි (Ali Khamenei), තම පුත් මොජ්තාබා කමේනි (Mojtaba Khamenei) තමන්ගෙන් පසු රටේ උත්තරීතර නායකත්වයට පත් කිරීමට දැඩි ලෙස විරුද්ධ වී ඇති බව නවතම වාර්තා මගින් හෙළිවෙයි. ‘නිව්යෝර්ක් පෝස්ට්’ (NY Post) පුවත්පතට අනුව, කමේනි සිය අන්තිම කැමති පත්රයේ පවා මොජ්තාබාව අනුප්රාප්තිකයා ලෙස නම් නොකරන ලෙස පැහැදිලිවම ඉල්ලා තිබේ. ඉරාන බුද්ධි අංශ සමඟ සබඳතා පවත්වන විපක්ෂ සංවිධානයක පර්යේෂණ අධ්යක්ෂ ඛොස්රෝ ඉස්ෆහානි (Khosro Isfahani) පවසන්නේ, මොජ්තාබා දේශපාලනික වශයෙන් අත්දැකීම් නොමැති අයෙකු බව කමේනි විශ්වාස කළ බවයි.
මොජ්තාබා යනු තම පියාගේ නාමය භාවිතා කරමින් සිටින නමුත්, ස්වාධීනව දේශපාලන ජයග්රහණ කිසිවක් අත්කරගෙන නොමැති අයෙකු බවත්, රටක් පාලනය කිරීමට අවශ්ය නිසි සුදුසුකම් ඔහු සතුව නොමැති බවත් කමේනිගේ අදහස වී තිබේ. කෙසේ වෙතත්, කමේනිගේ ඝාතනයෙන් පසු ඉරානයේ ‘විශේෂඥයින්ගේ මණ්ඩලය’ (Assembly of Experts) විසින් මොජ්තාබා කමේනිව නව නායකයා ලෙස තෝරා ගනු ලැබීය. තම පියාගේ විරෝධය මැද මොජ්තාබා බලයට පත්වීමත් සමඟ ඉරානයේ අභ්යන්තර දේශපාලන ස්ථාවරත්වය පිළිබඳව ලෝක අවධානය යොමුව ඇත.
