මැදපෙරදිග යුද ගැටුම් උච්චතම අවස්ථාවකට පත්වෙමින්, ඉරාන ඉස්ලාමීය විප්ලව ආරක්ෂක බලකාය විසින් ඊශ්රායලයට එරෙහිව සිය 48 වන ප්රහාර රැල්ල දියත් කර තිබේ. ඉරාන රාජ්ය මාධ්ය වාර්තා කරන පරිදි, මෙම දැවැන්ත ප්රහාර මාලාව ලෙබනනයේ හිස්බුල්ලා සංවිධානය සමඟ ඒකාබද්ධව ක්රියාත්මක කර ඇත. මෙය මෑත ඉතිහාසයේ එල්ල වූ වඩාත්ම සංවිධානාත්මක ප්රහාර රැල්ලක් ලෙස සැලකේ.
මේ අතර, ඉරානයේ එල්ල කළ ප්රහාරයට ප්රතිචාර දැක්වීම සඳහා ඊශ්රායල ආරක්ෂක බලකාය (IDF) සූදානම් වන බවට සලකුණු පහළ වී තිබේ. බටහිර ඉරානයේ පිහිටි ප්රධාන කාර්මික නගරයක් වන ටැබ්රිස් (Tabriz) හි වැසියන්ට එම ප්රදේශවලින් වහාම ඉවත් වන ලෙස ඊශ්රායල හමුදාව අනතුරු ඇඟවීමක් නිකුත් කර ඇත. ඉදිරි පැය කිහිපය තුළ ටැබ්රිස් හි හමුදා යටිතල පහසුකම් ඉලක්ක කර ගනිමින් දැඩි ප්රහාර එල්ල කරන බව පවසන ඊශ්රායලය, සිතියම් සහිතව අදාළ අවදානම් කලාප නම් කර තිබේ. ටෙහෙරානයට එල්ල වූ ප්රහාර මාලාවට සමාන අයුරින් මෙයද ක්රියාත්මක වන බැවින්, සිවිල් වැසියන්ට සිය ආරක්ෂාව වෙනුවෙන් වහාම ප්රදේශයෙන් බැහැර වන ලෙස අවධාරණය කර ඇත.
