ඊශ්රායලයේ ජෙරුසලමට බටහිරින් පිහිටි බෙයිට් ෂෙමේෂ් (Beit Shemesh) නගරය ඉලක්ක කර ගනිමින් ඉරානය විසින් එල්ල කරන ලද බැලැස්ටික් මිසයිල ප්රහාරයකින් පුද්ගලයින් 9 දෙනෙකු ජීවිතක්ෂයට පත්ව ඇති බව වාර්තා වේ. විදෙස් මාධ්ය සඳහන් කරන පරිදි මෙම ප්රහාරයෙන් තවත් පුද්ගලයින් 27 දෙනෙකු පමණ බරපතළ තුවාල ලබා ඇති අතර, එය මෑත කාලයේ ඊශ්රායලයට එල්ල වූ දරුණුතම ප්රහාරයන්ගෙන් එකක් ලෙස සැලකේ.
අමෙරිකාව සහ ඊශ්රායලය එක්ව ඉරාන භූමියට එල්ල කළ ප්රහාරවලට ප්රතිප්රහාරයක් ලෙස ඉරානය මෙම ක්රියාමාර්ගය ගෙන ඇති අතර, මෙම ප්රහාරයත් සමඟ කලාපීය යුදමය තත්ත්වය තවදුරටත් උග්ර අතට හැරී තිබේ. ජෙරුසලම ආසන්නයේ පිහිටි ජනාකීර්ණ ප්රදේශයකට මෙලෙස මිසයිල පතිත වීම හේතුවෙන් දැඩි දේපළ හානි ද සිදුව ඇති බව වාර්තා වන අතර, පවතින අනතුරුදායක වාතාවරණය හමුවේ ඊශ්රායල ආරක්ෂක අංශ එරට වැසියන්ට දැඩි අවධානයෙන් පසුවන ලෙස උපදෙස් දී ඇත.
