ඉරානයේ නව උත්තම නායක මොජ්ටාබා කමේනි (Mojtaba Khamenei) තුවාල ලබා ඇති බවට අමෙරිකානු බලධාරීන් කළ ප්රකාශ ඉරාන විදේශ අමාත්ය අබ්බාස් අරග්චි (Abbas Araghchi) තරයේ ප්රතික්ෂේප කර තිබේ. ඉරාන විදේශ අමාත්යවරයා අවධාරණය කළේ නව උත්තම නායකයා යහපත් සෞඛ්ය තත්ත්වයෙන් පසුවන බවත්, ඔහු ඊයේ දිනයේදී පණිවිඩයක් ද නිකුත් කරමින් සිය රාජකාරි කටයුතු සාමාන්ය පරිදි සිදුකරන බවත්ය.
මෙම මතභේදාත්මක තත්ත්වය හටගත්තේ අමෙරිකානු ආරක්ෂක ලේකම් පීට් හෙග්සෙත් (Pete Hegseth) කළ ප්රකාශයක් සමඟිනි. ඉරාන-ඊශ්රායල යුද්ධය ආරම්භයේදී සිය පියා මියයෑමෙන් පසු බලයට පත් වූ මොජ්ටාබා කමේනි, එල්ල වූ ප්රහාරයකින් තුවාල ලබා ඇති බවත් ඔහුගේ මුහුණට බරපතළ හානි සිදුව ඇති බවත් තමන් විශ්වාස කරන බව අමෙරිකානු ආරක්ෂක ලේකම්වරයා පවසා තිබුණි. එහෙත් ඉරානය පවසන්නේ මෙය අසත්ය ප්රචාරයක් බවයි.
