ඇමරිකාව සහ ඊශ්රායලය ඒකාබද්ධව එල්ල කළ ප්රහාරවලට ප්රතිචාර වශයෙන් ඉරානය විසින් කලාපීය අසල්වැසි රටවලට එල්ල කළ ප්රහාර සම්බන්ධයෙන් ඉරාන ජනාධිපති මසූඩ් පෙසෙෂ්කියන් නිල වශයෙන් සමාව අයැද තිබේ. ඉරාන රාජ්ය රූපවාහිනිය ඔස්සේ වීඩියෝ පණිවුඩයක් නිකුත් කරමින් ඔහු අවධාරණය කළේ අසල්වැසි රටවලට ප්රහාර එල්ල කිරීමේ කිසිදු අවශ්යතාවක් තම රටට නොමැති බවයි.
කලාපය තුළ සාමය සහ සන්සුන්භාවය ස්ථාපිත කිරීම සඳහා අසල්වැසි රටවල සහයෝගීතාව අපේක්ෂා කරන බව පැවසූ ජනාධිපතිවරයා, එම රටවලින් ඉරානයට ප්රහාරයක් එල්ල නොවන තාක් කල් ඉරානය ද ප්රහාර එල්ල නොකරන බවට සහතික විය. “පළමුව පහර නොදුන්නහොත් අසල්වැසි රටවලට පහර නොදෙන්න” යනුවෙන් ඉරාන අන්තර්කාලීන නායකත්ව මණ්ඩලය ප්රතිපත්තිමය තීරණයක් ගෙන ඇති බව ද පෙසෙෂ්කියන් මෙහිදී වැඩිදුරටත් අනාවරණය කළේය.
