ඉරානය සහ ඇමෙරිකා-ඉශ්රායල හවුල අතර පවතින යුදමය වාතාවරණය හමුවේ, ඉරානය විසින් නවතම ප්රචාරක වීඩියෝවක් (Propaganda Video) නිකුත් කර තිබේ. ලෙගෝ (Lego) සෙල්ලම් බඩු ආකෘතියෙන් නිර්මාණය කර ඇති මෙම වීඩියෝව මගින් ඩොනල්ඩ් ට්රම්ප්, බෙන්ජමින් නෙතන්යාහු සහ අරාබි නායකයින් පලා යන අයුරු හා ඉරාන සොල්දාදුවෙකු ඔවුන්ගෙන් පලිගන්නා අයුරු නිරූපණය කර ඇත. ඉරාන රජයේ ‘Revayat-e Fath’ ආයතනය විසින් නිෂ්පාදනය කරන ලද මෙම මිනිත්තු දෙකක වීඩියෝව එරට රාජ්ය රූපවාහිනිය ඔස්සේ විකාශනය කෙරිණි.
පසුගිය පෙබරවාරි 28 වනදා ඇමෙරිකාව සහ ඉශ්රායලය එක්ව එල්ල කළ ප්රහාරවලින් ඉරාන උත්තරීතර නායක අයතුල්ලා අලි කමේනි ඝාතනය වීමට ප්රතිචාරයක් ලෙස මෙම නිර්මාණය එළිදක්වා තිබේ. වීඩියෝව අවසානයේ සඳහන් වන්නේ මෙය “සියොන්වාදී සහ ඇමෙරිකානු ත්රස්තවාදීන් අතින් ප්රාණ පරිත්යාග කළ (Martyred) සිසුන් සිහිපත් කිරීම වෙනුවෙන්” නිර්මාණය කළ බවයි. මේ වන විට X සහ Meta සමාජ මාධ්ය ජාල තුළ මෙම වීඩියෝව දස දහස් සංඛ්යාත පිරිසක් නරඹා ඇති අතර, මෙය ඉරානය විසින් දියත් කර ඇති දැඩි මාධ්ය මෙහෙයුමක (Propaganda War) කොටසක් ලෙස විදේශ විචාරකයෝ පෙන්වා දෙති.
