පසුගිය පෙබරවාරි 28 වැනිදා සිට ඇමෙරිකාව සහ ඉශ්රායලය එක්ව ඉරානයට එල්ල කරන ප්රහාර හමුවේ උද්ගතව ඇති දරුණු යුද වාතාවරණය පිළිබඳව ඉරාන විදේශ අමාත්ය අබ්බාස් අරග්චී සහ රුසියානු විදේශ අමාත්ය සර්ගේ ලැව්රෝෆ් අතර විශේෂ දුරකථන සාකච්ඡාවක් පවත්වා තිබේ. දින 37කට වැඩි කාලයක් තිස්සේ පවතින මෙම ගැටුම්වල වත්මන් තත්ත්වය මෙහිදී දීර්ඝ ලෙස විමසුමට ලක්විය.
ඉරානයේ න්යෂ්ටික බලාගාර, විද්යා ආයතන මෙන්ම පාසල් සහ විශ්වවිද්යාල ඇතුළු අධ්යාපන ආයතන ඉලක්ක කර ගනිමින් එල්ල වන ප්රහාරවලින් සිදුව ඇති විශාල ජීවිත හානි සහ දේපොළ හානි පිළිබඳව ද අමාත්යවරුන් දෙදෙනා මෙහිදී සාකච්ඡා කර ඇත. පවතින අර්බුදය සාමකාමීව විසඳා ගැනීම සඳහා ඉරානයට අවශ්ය පූර්ණ සහාය ලබා දීමට රුසියාව සූදානම් බව සර්ගේ ලැව්රෝෆ් මහතා මෙහිදී සහතික වී තිබේ.
මෙම සාකච්ඡාව සිදුවන්නේ ඉරානයේ අධ්යාපන ආයතන කිහිපයකට අද පෙරවරුවේ ද ප්රහාර එල්ල වී ඇති පසුබිමක වීම විශේෂත්වයකි.
