බටහිර ආසියානු කලාපයේ පවතින ගැටුම්කාරී තත්ත්වය දෙවන සතියටත් පා තබද්දී, ඉරානයේ රැඳී සිටින සිය පුරවැසියන් වෙනස් රජය විසින් අද (09) නව ආරක්ෂක උපදේශනයක් නිකුත් කර තිබේ. ඉරානයට නව උත්තරීතර නායකයෙකු පත් වුවද එරට පවතින තත්ත්වය තවමත් අස්ථාවර බැවින් මෙම පියවර ගෙන ඇත.
ඉරානයේ සිටින ඉන්දීය වැසියන් තෙහෙරාන් නුවර පිහිටි ඉන්දීය තානාපති කාර්යාලයේ සම්බන්ධීකරණයකින් තොරව කිසිදු ගොඩබිම් දේශසීමාවක් වෙත ළඟා නොවිය යුතු බව තානාපති කාර්යාලය අවධාරණය කරයි. දේශසීමා හරහා වෙනත් රටකට ඇතුළු වීමට උත්සාහ කර එහිදී අතරමං වුවහොත්, ඉරාන දේශසීමාවෙන් ඔබ්බට සහය වීමට තානාපති කාර්යාලයට හැකියාවක් නොමැති බව ද එහි සඳහන් වේ. ඕනෑම ගොඩබිම් සංචාරයක් සිදු කළ යුත්තේ තානාපති කාර්යාලයේ පැහැදිලි මගපෙන්වීම් ලබා ගැනීමෙන් පසුව පමණි.
හදිසි අවස්ථාවකදී සම්බන්ධ කර ගැනීම සඳහා විශේෂ දුරකථන අංක (+98 912 810 9115, +98 912 810 9102, +98 912 810 9109, +98 993 217 9359) සහ විද්යුත් තැපෑල ([email protected]) ද හඳුන්වා දී තිබේ.
