අමෙරිකා එක්සත් ජනපදය ඉරානයට තර්ජනය කරමින් විවිධ මතවාද පතුරුවා හැරීම හරහා “විශාල වැරැද්දක්” සිදු කරන බව ඉරාන පාර්ලිමේන්තු කථානායක මොහොමඩ් බගර් ගලිබාෆ් (Mohammad Bagher Ghalibaf) ප්රකාශ කර තිබේ. ඔහු අවධාරණය කළේ, උත්තරීතර නායකයාගේ මගපෙන්වීම යටතේ ඕනෑම ආක්රමණශීලී ක්රියාවකට එරෙහිව ඉරානය සිය සතුරන් “පසුතැවීමට” සලස්වන බවයි. විශේෂයෙන්ම අමෙරිකානු ගොඩබිම් ප්රහාරයක් පිළිබඳ පවතින වාර්තා සම්බන්ධයෙන් ප්රතිචාර දක්වමින් ඔහු කියා සිටියේ, ඉරානයට එරෙහිව එක ප්රහාරයක් එල්ල කළහොත් ඊට ප්රතිචාර වශයෙන් ප්රහාර කිහිපයක් එල්ල කිරීමට ඉරාන හමුදාව සූදානම් බවයි.
ගලිබාෆ් මහතා වැඩිදුරටත් පෙන්වා දුන්නේ අමෙරිකාව ප්රසිද්ධියේ සාකච්ඡා (Negotiations) පිළිබඳව කතා කළද, රහසිගතව ඉරානයට එරෙහිව හමුදාමය කුමන්ත්රණ සිදු කරන බවයි. “ඔවුන් එකකට ගැහුවොත්, අපි කිහිපයකින්ම පෙරළා පහර දෙනවා” (If they hit one, they’ll take several back) යනුවෙන් පවසමින් ඔහු අවධාරණය කළේ ඉරාන මිසයිල පද්ධති දැනටමත් ක්රියාත්මකව පවතින බවත්, අමෙරිකානු භටයින් ගොඩබිම් මෙහෙයුමක් ආරම්භ කළහොත් ඔවුන්ව “ගින්නට හසු කිරීමට” (Set on fire) සිය හමුදාව සූදානම් බවත්ය.
මෙම ප්රකාශයත් සමඟ මැදපෙරදිග කලාපයේ පවතින යුදමය නොසන්සුන්තාවය තවදුරටත් උග්ර වී තිබේ. ඉරාන විප්ලවීය ආරක්ෂක බලකාය (IRGC) විසින් ද කලාපයේ පවතින අමෙරිකානු සහ ඊශ්රායල මධ්යස්ථාන ඉලක්ක කරන බවට අනතුරු අඟවා ඇති අතර, අමෙරිකාවේ “15-පොයින්ට් සැලසුම” (15-point plan) හරහා ඉරානය යටත් කර ගැනීමට දරන උත්සාහය කිසිසේත්ම සාර්ථක නොවන බව කථානායකවරයා අවධාරණය කළේය.
තොරතුරු උපුටා ගැනීම: Mario Nawfal (X), ඇසුරින්
