ඇමරිකානු ප්රහාරයකට ලක්ව ගිලී ගිය ‘ඩේනා’ (IRIS Dena) යුද නෞකාවේ සිටි ඉරාන කාර්ය මණ්ඩලය බේරාගැනීම සඳහා ශ්රී ලංකාව දැක්වූ මානුෂීය මැදිහත්වීම සම්බන්ධයෙන් ඉරාන විදේශ අමාත්ය අබ්බාස් අරග්චි මහතා ශ්රී ලංකාවට සිය කෘතඥතාව පළ කර තිබේ. ශ්රී ලංකාවේ විදේශ අමාත්යවරයා සමඟ පැවැති දුරකථන සංවාදයකදී ඔහු අවධාරණය කළේ ආපදාවට පත් නාවිකයන්ට අවශ්ය වෛද්ය ප්රතිකාර සහ ආරක්ෂාව ලබාදීමට ශ්රී ලංකාව ගත් පියවර අතිශය අගය කරන බවයි.
පසුගිය බදාදා ගාල්ල වරාය නගරයට නාවික සැතපුම් 19ක් ඔබ්බෙන් වූ ජාත්යන්තර මුහුදු තීරයේදී ඇමරිකානු ප්රහාරයකට ලක්ව මෙම ‘IRIS ඩේනා’ නෞකාව ගිලී ගියේය. මෙම ප්රහාරය ජාත්යන්තර නීතිය බරපතල ලෙස උල්ලංඝනය කිරීමක් බව පවසන ඉරාන විදේශ අමාත්යවරයා, ජාත්යන්තර මුහුදු තීරයේදී නෞකාවන්ගේ සහ ඒවායේ කාර්ය මණ්ඩලයේ ආරක්ෂාව තහවුරු කිරීමේ වැදගත්කම මෙහිදී යළිත් සිහිපත් කර ඇත.
මෙම අර්බුදකාරී අවස්ථාවේදී ශ්රී ලංකාව අනුගමනය කළ මධ්යස්ථ සහ මානුෂීය පිළිවෙත ජාත්යන්තර ප්රජාවගේ ද ඇගයීමට ලක්ව ඇති අතර, එය දෙරට අතර පවතින රාජ්ය තාන්ත්රික සබඳතා තවදුරටත් ශක්තිමත් කිරීමට හේතු වී තිබේ.
