එක්සත් ජනපද සහ ඊශ්රායල ප්රහාර හමුවේ ඉරාන විප්ලවීය ආරක්ෂක බලකාය (IRGC) දැඩි ස්ථාවරයකට එළඹෙමින් මැදපෙරදිග කලාපයේ බලශක්ති සැපයුම සම්පූර්ණයෙන්ම අත්හිටුවන බවට අනතුරු අඟවා තිබේ. ඉරානය පවසන්නේ ප්රහාර දිගටම ක්රියාත්මක වුවහොත් කලාපයෙන් “තෙල් ලීටරයක් හෝ” නැව්ගත කිරීමට ඉඩ නොදෙන බවයි. මෙම තත්ත්වය හමුවේ ඉරානයේ නව උත්තරීතර නායක මොජ්ටාබා ඛමේනි වටා එරට ආරක්ෂක අංශ එක්රොක් වෙමින් පවතින අතර ඔවුන් කිසිසේත් පසුබැසීමට සූදානම් නැති බවට පළවන වාර්තා හේතුවෙන් ලෝක මූල්ය වෙළඳපොළවල් දැඩි ලෙස උච්චාවචනය වී ඇත.
මෙයට පිළිතුරු දෙමින් අමෙරිකානු ජනාධිපති ඩොනල්ඩ් ට්රම්ප් ප්රකාශ කර ඇත්තේ ඉරානය බලශක්ති සැපයුම අවහිර කිරීමට උත්සාහ කළහොත් මීට වඩා ප්රබල ප්රහාරයක් එල්ල කිරීමට එක්සත් ජනපදය පසුබට නොවන බවයි. තමා මුලින් නියම කළ සති හතරක කාලසීමාවටත් වඩා කලින් මෙම ගැටුම අවසන් වනු ඇති බවට පුරෝකථනය කරන ට්රම්ප්, යුද්ධය අවසන් කළ හැක්කේ තමන්ට අවනත වන ඉරාන රජයක් යටතේ පමණක් බව ද අවධාරණය කර තිබේ. ඉරානයේ පාලන ක්රමය පෙරලා දැමීම ඊශ්රායලයේ අරමුණ වී ඇති අතර, වොෂින්ටනය ප්රධාන වශයෙන් ඉලක්ක කරන්නේ ඉරානයේ මිසයිල හැකියාවන් සහ න්යෂ්ටික වැඩසටහන විනාශ කිරීමටයි.
