ඉරානය විසින් කටාර් රාජ්යයේ බලශක්ති මධ්යස්ථාන වෙත එල්ල කරන ප්රහාර නතර නොකළහොත්, ලොව විශාලතම ස්වභාවික වායු නිධිය වන ‘සවුත් පාර්ස්’ (South Pars) ගෑස් නිධිය මුළුමනින්ම විනාශ කරන බවට ඇමෙරිකානු ජනාධිපති ඩොනල්ඩ් ට්රම්ප් දැඩි අනතුරු ඇඟවීමක් කර තිබේ. පර්සියානු ගල්ෆ් කලාපයේ වර්ග කිලෝමීටර් 10,000ක් පුරා විහිදී ඇති මෙම දැවැන්ත ගෑස් නිධිය ඉරානය සහ කටාර් රාජ්යය අතර බෙදාහදා ගන්නා ලොව වටිනාම බලශක්ති සම්පත ලෙස සැලකේ.
සිය ‘Truth Social’ ගිණුමේ සටහනක් තබමින් ට්රම්ප් අවධාරණය කළේ, මින් ඉදිරියට ඉරානය කටාර් රාජ්යයට පහර දුනහොත් ඊශ්රායලයේ සහය ඇතිව හෝ නැතිව “ඉරානය මීට පෙර කිසි දිනෙක අත්විඳ නොමැති ආකාරයේ ප්රබල ශක්තියකින් යුතුව” මුළු සවුත් පාර්ස් නිධියම පුපුරුවා හරින බවයි. ඊශ්රායලය විසින් ඉරානයේ ගෑස් නිධිවලට එල්ල කළ ප්රහාරය පිළිබඳව ඇමෙරිකාව පූර්ව දැනුවත් වීමක් නොතිබූ බව පැවසූ ඔහු, මින් ඉදිරියට ඊශ්රායලය එම නිධියට ප්රහාර එල්ල නොකරන බවට ද සහතික විය.
පවතින උණුසුම් තත්ත්වය හමුවේ හෝර්මුස් සමුද්ර සන්ධියේ ආරක්ෂාව තහවුරු කිරීමට සහ ඉරානයේ තෙල් අපනයනයෙන් 90%ක් සිදු කෙරෙන ‘කාග් දූපත’ (Kharg Island) ආශ්රිත මෙහෙයුම් සඳහා අමතර ඇමෙරිකානු භටයින් දහස් ගණනක් කලාපයට යැවීමට ද සැලසුම් කර ඇත. මේ අතර, කටාර් සහ කුවේට් වැනි රටවල් ඇමෙරිකානු ප්රහාර සඳහා සිය භූමිය ලබාදීම පිළිබඳව ඉරානය එක්සත් ජාතීන්ගේ සංවිධානය වෙත සිය දැඩි විරෝධය පළ කර තිබේ. මෙම බලශක්ති යුද්ධය ලෝක ආර්ථිකයට මෙන්ම කලාපීය සාමයට ද දැවැන්ත තර්ජනයක් වී ඇත.
