ඉරානයට ඉතා දීර්ඝ කාලයක් පුරා යුද්ධයක නිරත වීමේ පූර්ණ හැකියාව පවතින බව එරට උත්තරීතර නායකයාගේ කාර්යාලයේ විදේශ ප්රතිපත්ති උපදේශක කමල් කරසි මහතා අවධාරණය කරනවා. ටෙහෙරාන් නුවරදී CNN පුවත් සේවය සමඟ විශේෂ සම්මුඛ සාකච්ඡාවකට එක්වෙමින් ඔහු පවසා සිටියේ පවතින තත්ත්වය හමුවේ තවදුරටත් රාජ්ය තාන්ත්රික විසඳුම් සඳහා ඉඩක් නොමැති බවයි. CNN හි ෆ්රෙඩ් ප්ලයිට්ජන්ට් සමඟ පැවති මෙම සාකච්ඡාවේදී කරසි මහතා වැඩිදුරටත් පෙන්වා දුන්නේ ඕනෑම අභියෝගයකට මුහුණ දෙමින් යුදමය ක්රියාමාර්ග ඉදිරියටම රැගෙන යාමට ඉරානය සූදානම් බවයි. කලාපීය දේශපාලන උණුසුම ඉහළ ගොස් ඇති මොහොතක ඉරානයේ ඉහළම පෙළේ උපදේශකයෙකු විසින් සිදුකළ මෙම ප්රකාශය ජාත්යන්තරයේ දැඩි අවධානයට ලක්ව තිබෙනවා.
