මැදපෙරදිග යුදමය තත්ත්වය ආරම්භ වී සති තුනක් ගතවන මොහොතක, පසුගිය සිකුරාදා (20) දිනය තුළ පමණක් ඉරානයේ පළාත් 17ක් ඉලක්ක කර ගනිමින් ප්රහාර 640ක් එල්ල වී ඇති බව වාර්තා වේ. ඇමරිකාව කේන්ද්ර කරගත් මානව හිමිකම් ක්රියාකාරීන්ගේ ප්රවෘත්ති ඒජන්සියක් උපුටා දක්වමින් විදෙස් මාධ්ය සඳහන් කරන්නේ එම ප්රහාරවලින් අවම වශයෙන් පුද්ගලයින් 68 දෙනෙකු ජීවිතක්ෂයට පත්ව ඇති බවයි. මියගිය පිරිස අතර සිවිල් වැසියන් හෝ සොල්දාදුවන් සිටීද යන්න පිළිබඳව නිශ්චිත වර්ගීකරණයක් මෙතෙක් ඉදිරිපත් කර නොමැත.
සති තුනක කාලය තුළ සිදුව ඇති සමස්ත මරණ සංඛ්යාව 1,398ක් දක්වා ඉහළ ගොස් ඇති අතර ඒ අතර දරුවන් 210 දෙනෙකු ද සිටින බව මානව හිමිකම් වාර්තා පෙන්වා දෙයි. ඇමරිකානු සහ ඊශ්රායල ප්රහාර හේතුවෙන් ඉරාන හමුදා නිලධාරීන් 1,165 දෙනෙකු මියගොස් ඇති බවට ගණන් බලා ඇති අතර, තවත් පුද්ගලයින් 657 දෙනෙකුගේ මරණ වාර්තා වී තිබේ. කෙසේ වෙතත් එම පිරිස සිවිල් වැසියන් ද නැතහොත් හමුදා සාමාජිකයින් ද යන්න පිළිබඳව මෙතෙක් නිල තහවුරු කිරීමක් ලැබී නොමැති බව විදෙස් මාධ්ය වැඩිදුරටත් වාර්තා කරයි.
