ඉරානයේ සහාය ලබන සන්නද්ධ කණ්ඩායම්වල එකතුවක් වන ‘ඉරාකයේ ඉස්ලාමීය ප්රතිරෝධය’ (Islamic Resistance in Iraq) නමැති සංවිධානය, බටහිර ඉරාකයේදී ඇමෙරිකානු හමුදා ඉන්ධන පිරවුම් යානයක් බිම හෙළීමේ වගකීම භාරගෙන තිබේ. පසුගිය බ්රහස්පතින්දා අනතුරට ලක්වූ KC-135 වර්ගයේ එම යානය තමන් විසින් වෙඩි තබා බිම හෙළූ බව එම කණ්ඩායම නිල නිවේදනයක් නිකුත් කරමින් ප්රකාශ කර ඇත.තම රටේ ස්වෛරීභාවය සහ ගුවන් සීමාව ආරක්ෂා කිරීම වෙනුවෙන් මෙම ප්රහාරය එල්ල කළ බව එම සංවිධානය වැඩිදුරටත් සඳහන් කරයි. කෙසේ වෙතත්, ඇමෙරිකානු මධ්යම අණසක (CENTCOM) මීට පෙර ප්රකාශ කර තිබුණේ මෙම අනතුර සතුරු ප්රහාරයක් නිසා සිදු නොවූවක් බවයි. යානා දෙකක් සම්බන්ධ වූ මෙහෙයුමකදී සිදුවූ මෙම අනතුර පිළිබඳව දෙපාර්ශවය අතර පරස්පර විරෝධී ප්රකාශ නිකුත් වීමත් සමඟ කලාපීය ආරක්ෂක තත්ත්වය තවදුරටත් උණුසුම් වී තිබේ.මෙම සිදුවීමත් සමඟ ඉරාකය තුළ රැඳී සිටින ඇමෙරිකානු හමුදාවන්ට එල්ල වන තර්ජන ඉහළ ගොස් ඇති අතර, ඉරානයට එරෙහිව ක්රියාත්මක වන ‘එපික් ෆියුරි’ මෙහෙයුමට ද මෙයින් බාධා එල්ල විය හැකි බව ආරක්ෂක විචාරකයෝ පෙන්වා දෙති. අනතුරට පත් යානයේ සිටි කාර්ය මණ්ඩලය සොයා තවදුරටත් මෙහෙයුම් ක්රියාත්මක වන අතර, ප්රහාරය එල්ල කළ බව කියන කණ්ඩායම් සම්බන්ධයෙන් ඇමෙරිකාව ඉදිරියේදී ගන්නා පියවර පිළිබඳව ලෝක අවධානය යොමුව පවතී.
