අමෙරිකානු සහ ඊශ්රායල ප්රහාරක යානා මගින් ඉරානයේ ඉස්ෆහන් (Isfahan) පළාතේ ස්ථාන කිහිපයකට එල්ල කළ ගුවන් ප්රහාරවලින් අවම වශයෙන් පුද්ගලයන් 11 දෙනෙකු මියගොස් ඇති බව අල්ජසීරා පුවත් සේවය වාර්තා කරයි. ඉරානයේ අර්ධ රාජ්ය පුවත් ඒජන්සියක් වන ‘තස්නිම්’ (Tasnim) උපුටා දක්වමින් මෙම තොරතුරු අනාවරණය කර තිබේ.
මෙම ප්රහාර මාලාව පිළිබඳ නවතම තොරතුරු මෙසේය. ප්රහාරක යානා මගින් ඉස්ෆහන්හි පිහිටි කාර්මික නිෂ්පාදන වැඩපොළවල් කිහිපයක් මෙන්ම ප්රදේශයේ පිහිටි තුරඟ තරග පිටියක් ද ඉලක්ක කර ඇත. මරණවලට අමතරව තවත් පුද්ගලයින් පිරිසක් තුවාල ලබා රෝහල්ගත කර ඇති බව ද වාර්තා වේ. ඉස්ෆහන් මධ්යම පළාතේ නගර 8ක් ඉලක්ක කර මෙම ප්රහාර එල්ල වී තිබේ. ඉස්ෆහන්, නජෆාබාද්, අරාන්, බිඩ්ගෝල්, බර්කාර්, කොමේනි ෂහර්, ෂහ්රේසා, ෆලාවර්ජන් සහ මොබාරකේ එම නගර ලෙස හඳුනාගෙන ඇත. ‘Operation Epic Fury’ මෙහෙයුමේ අඛණ්ඩ පියවරක් ලෙස එල්ල වූ මෙම ප්රහාරවලින් ඉරානයේ ගුවන් ආරක්ෂණ පද්ධති සහ රේඩාර් මධ්යස්ථානවලට ද දැඩි හානි සිදුව ඇති බව ඊශ්රායල ආරක්ෂක බලකාය (IDF) මීට පෙර ප්රකාශ කළේය. මෙම ප්රහාර හේතුවෙන් ඉස්ෆහන් සහ බර්කාර් ප්රදේශවල නිවාස 80කට අධික සංඛ්යාවකට ද හානි සිදුව ඇති බවත් මියගිය පිරිස අතර කාන්තාවන් ද සිටින බවත් ඉරාන ආරක්ෂක අංශ පවසයි. පෙබරවාරි 28 වනදා ආරම්භ වූ මෙම යුද්ධය හේතුවෙන් මේ වන විට ඉරානය පුරා මියගිය සංඛ්යාව 1,300 ඉක්මවා ඇති බව සහන සේවා වාර්තා පෙන්වා දෙයි.
