ඉරානයේ උත්තරීතර නායක අයතුල්ලා අලි කමේනි ඝාතනය කිරීම සඳහා ඊශ්රායලය විසින් අතිශය විනාශකාරී ‘Blue Sparrow’ (නිල් ගේ කුරුල්ලා) වර්ගයේ මිසයිලයක් භාවිත කර ඇති බව නවතම වාර්තා හෙළි කරයි. මෙම මිසයිලය පෘථිවි වායුගෝලයේ ඉහළ කෙළවර දක්වා ගමන් කර, පසුව අතිශය ඉහළ වේගයකින් සෘජුවම ඉලක්කය කරා කඩා වැදීමේ සුවිශේෂී හැකියාවකින් යුක්ත වේ.
පසුගිය සෙනසුරාදා ටෙහෙරානයේ පාස්චර් වීදියේ පිහිටි කමේනිගේ දැඩි ආරක්ෂිත නිල නිවස ඉලක්ක කර මෙම ප්රහාරය එල්ල වී ඇත. එම අවස්ථාවේදී ඉරාන රජයේ ඉහළ පෙළේ නිලධාරීන් පිරිසක් සමඟ කමේනි විශේෂ සාකච්ඡාවක නිරතව සිට ඇති බවත්, ඊශ්රායල සහ අමෙරිකානු ඒකාබද්ධ මෙහෙයුමක් ලෙස මෙය ක්රියාත්මක වූ බවත් වාර්තා වේ. මෙම ප්රහාරයත් සමඟ මැදපෙරදිග කලාපය පුරා දැවැන්ත යුදමය වාතාවරණයක් ව්යාප්ත විය.
ඉරාන රාජ්ය මාධ්ය විසින් පසුගිය මාර්තු 01 වැනිදා උදෑසන සිය උත්තරීතර නායකයාගේ අභාවය නිල වශයෙන් තහවුරු කරන ලදී. 86 වැනි වියේ පසුවූ කමේනිගේ මරණයට හේතු වූ මෙම ‘Blue Sparrow’ මිසයිල තාක්ෂණය, සාමාන්ය මිසයිල ආරක්ෂක පද්ධතිවලට පවා හඳුනා ගැනීමට අපහසු ‘quasi-ballistic’ ගමන් පථයක් අනුගමනය කරන බව යුද විශේෂඥයෝ පෙන්වා දෙති.
