ඊශ්රායල ඩ්රෝන ප්රහාරයකින් අල් ජසීරා මුබාෂර් සේවයේ ගාසා වාර්තාකරු මොහොමඩ් විෂා ජීවිතක්ෂයට පත්ව තිබේ. ඊයේ (08) ගාසා නගරයේ අල්-රෂීඩ් වෙරළබඩ පාරේ මෝටර් රථයකින් ගමන් කරමින් සිටියදී ඔහු මෙම ප්රහාරයට ලක්ව ඇති අතර, ඉන් ඔහු ගමන් කළ රථය සම්පූර්ණයෙන්ම ගිනිගෙන විනාශ වී ඇති බව වාර්තා වේ.
ගාසා රජයේ මාධ්ය කාර්යාලයේ දත්තවලට අනුව 2023 ඔක්තෝබර් මාසයේ සිට මේ දක්වා ඊශ්රායල ප්රහාරවලින් මාධ්යවේදීන් අවම වශයෙන් 262 දෙනෙකු මියගොස් ඇත. අල් ජසීරා මාධ්ය ජාලය මෙම ඝාතනය දැඩි ලෙස හෙළා දකිමින් ප්රකාශ කළේ මෙය ජාත්යන්තර නීති උල්ලංඝනය කිරීමක් මෙන්ම සත්යයේ හඬ නිහඬ කිරීමට හිතාමතාම සිදු කළ සාපරාධී ක්රියාවක් බවයි. 2018 වසරේ සිට ආයතනය සමඟ කටයුතු කළ විෂාගේ අභාවය මාධ්ය ක්ෂේත්රයට විශාල පාඩුවක් බව ද එම ආයතනය පෙන්වා දෙයි.
මේ අතර අද (09) දිනයේදී හලාවත, බිංගිරිය සහ පඬුවස් නුවර ඇතුළු ප්රදේශ රැසකට දහවල් 12:12 ට හිරු මුදුන් වීමට නියමිතව තිබේ. එසේම රජයේ වෛද්ය නිලධාරීන්ගේ සංගමය අද දිනයේ යළිත් වර්ජනයක නිරත වන අතර, හෝමුස් සමුද්ර සන්ධියේ පවතින ප්රහාර අවදානම හේතුවෙන් නාවික ගමන් මාර්ග වෙනස් කිරීමට ද පියවර ගෙන ඇත. ඊශ්රායලයේ අඛණ්ඩ ප්රහාර හමුවේ පවතින සටන් විරාම ගිවිසුමෙන් ඉවත් වන බවට ඉරානය අනතුරු අඟවා ඇති අතර ලෙබනනයට එල්ල වූ දරුණු ප්රහාරවලින් පුද්ගලයන් 254 දෙනෙකු මියගොස් ඇති බව ද වාර්තා වේ.
