ඊශ්රායලයේ ‘එල්බිට් සිස්ටම්ස්’ (Elbit Systems) ආයතනයේ හර්මීස් (Hermes) ඩ්රෝන ව්යාපෘති සැලසුම් කණ්ඩායම්වල ප්රධාන කළමනාකාරිනිය සහ එම ව්යාපෘතිවල “මහ මොළකරු” ලෙස සැලකෙන කාන්තාවකගේ තොරතුරු අනාවරණය කිරීමට ඉරාන හිතවාදී ‘හන්ඩලා’ (Handala) හැකර් කණ්ඩායම පියවර ගෙන තිබේ. ඊශ්රායලයේ වඩාත්ම තීරණාත්මක ඩ්රෝන සහ ආරක්ෂක ව්යාපෘති රැසක් පිටුපස සිටින ප්රධාන බලවේගය ඇය බවට හැකර්වරුන් චෝදනා කරති.
හිටපු ඊශ්රායල හමුදා ප්රධානී හර්සි හලෙවිගේ දත්ත සොරාගැනීමට සමගාමීව සිදුකළ මෙම හෙළිදරව්ව මගින්, ඊශ්රායලයේ දියුණු නියමුවා රහිත යානා (UAV) තාක්ෂණය සංවර්ධනය කිරීමට දායක වන ප්රධාන පුද්ගලයින් ඉලක්ක කර ඇති බව පෙනේ. එල්බිට් සිස්ටම්ස් ආයතනය විසින් නිෂ්පාදනය කරන හර්මීස් ඩ්රෝන යානා ඊශ්රායල හමුදාවේ මෙහෙයුම් සඳහා අත්යවශ්ය මෙවලමක් වන අතර, එවැනි ව්යාපෘති මෙහෙයවන ප්රධාන නිලධාරීන්ගේ අනන්යතාවය හෙළි කිරීම එරට ආරක්ෂක අංශවල දැඩි කනස්සල්ලට හේතු වී තිබේ.
මුලාශ්රය – @HPRRed / Al Jazeera / Times of Israel
