ලෙබනනයේ බාල්බෙක් (Baalbek) කලාපයට අයත් කස්ර් නාබා (Qasr Naba) හි වෙසෙන පදිංචිකරුවන්ට එම ප්රදේශවලින් වහාම ඉවත් වන ලෙස ඊශ්රායලය හදිසි අනතුරු ඇඟවීමක් නිකුත් කර තිබේ. ඊශ්රායල හමුදාව ප්රකාශ කර ඇත්තේ ඉදිරි කෙටි කාලය තුළ එම ප්රදේශයේ පිහිටි හෙස්බුල්ලා සංවිධානයට අයත් යුද යටිතල පහසුකම් ඉලක්ක කර ප්රහාර එල්ල කරන බවයි.
ඊශ්රායල අරාබි මාධ්ය ප්රකාශක අවිචේ අද්රේයි (Avichay Adraee) විසින් මෙම අනතුරු ඇඟවීම සිදු කර ඇත්තේ බීරූට් (Beirut) නගරයට එල්ල වූ දරුණු ගුවන් ප්රහාර මාලාවකින් පසුවය. ඊයේ රාත්රියේ දකුණු බීරූට් හි පිහිටි හෙස්බුල්ලා සංවිධානයට අයත් ගොඩනැගිලි 10කට ප්රහාර එල්ල කළ බව ඊශ්රායල හමුදාව තහවුරු කරයි.
බීරූට් වෙරළ තීරයට එල්ල වූ ප්රහාරයකින් පුද්ගලයින් අට දෙනෙකු ජීවිතක්ෂයට පත්ව ඇති බව බීබීසී පුවත් සේවය වාර්තා කර ඇත. මැදපෙරදිග කලාපය පුරා යුද උණුසුම තවදුරටත් ව්යාප්ත වෙමින් පවතින අතර, සිවිල් වැසියන්ට සිය නිවෙස්වලින් ඉවත් වන ලෙස දන්වමින් ඊශ්රායලය සිය ප්රහාරක මෙහෙයුම් තීව්ර කර තිබේ.
