ඇමරිකානු ජනාධිපති ඩොනල්ඩ් ට්රම්ප්ගේ සාම සැලැස්ම යටතේ පිහිටුවන ලද සිවිල්-හමුදා සම්බන්ධීකරණ මධ්යස්ථානයෙන් ස්පාඤ්ඤය නෙරපා හැරීමට ඊශ්රායල අග්රාමාත්ය බෙන්ජමින් නෙතන්යාහු අද (අප්රේල් 10) තීරණය කර තිබේ. ගාසා තීරයේ සටන් විරාමය සඳහා පදනම වූ ‘කිරියට් ගැට්’ (Kiryat Gat) හි පිහිටි මෙම මධ්යස්ථානයෙන් ස්පාඤ්ඤ නියෝජිතයින් ඉවත් කිරීමට නෙතන්යාහු නියෝග කළේ ස්පාඤ්ඤය දිගින් දිගටම ඊශ්රායලයේ යුධ ක්රියාමාර්ග විවේචනය කිරීමට ප්රතිචාර වශයෙනි.
ඉරානයට එරෙහිව ඊශ්රායලය දියත් කළ යුද්ධය, ගාසා සහ බටහිර ඉවුරේ ක්රියාත්මක වන ඊශ්රායල ප්රතිපත්ති මෙන්ම ලෙබනනය ආක්රමණය කිරීම සම්බන්ධයෙන් ස්පාඤ්ඤය මින් පෙර දැඩි විවේචන එල්ල කර තිබුණි. ස්පාඤ්ඤය විසින් ඊශ්රායල ආරක්ෂක හමුදා (IDF) ජාත්යන්තරය හමුවේ අපකීර්තියට පත් කර ඇති බවට චෝදනා කරන නෙතන්යාහු, එවැනි රටකට සාම සම්බන්ධීකරණ කටයුතුවල නිරත වීමට සදාචාරාත්මක අයිතියක් නොමැති බව ප්රකාශ කර තිබේ.
මෙම තීරණයත් සමඟ ඊශ්රායලය සහ යුරෝපා සංගමයේ සාමාජික රටක් වන ස්පාඤ්ඤය අතර පවතින සබඳතා තවදුරටත් පළුදු වී ඇති අතර, එය මැදපෙරදිග සාම සාකච්ඡාවල ඉදිරි ගමනට ද බලපෑමක් එල්ල කරනු ඇතැයි විදේශ විශ්ලේෂකයෝ පෙන්වා දෙති.
